---
title: "സൗദിക്കുനേരെ ഹൂതികളുടെ മിസൈൽ-ഡ്രോൺ ആക്രമണം; വ്യോമസേന ആകാശത്തുവെച്ച് തകർത്തു"
english_title: "Saudi Air Defenses Intercept Houthi Missile and Drone Attack"
publisher: "gccnews.in"
canonical_url: "https://gcc.truevisionnews.com/news/388482/saudi-houthi-missile-drone-attack"
published_at: "2026-10-24T11:01:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6adc433da8615_saudi-houthi-missile-drone-attack.jpg"
keywords: ["HouthiAttack", "SaudiAirDefense", "Riyadh", "BallisticMissile", "DroneStrike"]
---

# സൗദിക്കുനേരെ ഹൂതികളുടെ മിസൈൽ-ഡ്രോൺ ആക്രമണം; വ്യോമസേന ആകാശത്തുവെച്ച് തകർത്തു

> **Lead Summary:** **റിയാദ്: ** സൗദി അറേബ്യയെ ലക്ഷ്യമിട്ട് ഹൂതി മിലീഷ്യകൾ വീണ്ടും നടത്തിയ ഡ്രോൺ-മിസൈൽ ആക്രമണങ്ങളെ സൗദി വ്യോമ പ്രതിരോധ സേന വിജയകരമായി തടഞ്ഞു തകർത്തു. കിഴക്കൻ പ്രവിശ്യയെ ലക്ഷ്യമാക്കി എത്തിയ ഡ്രോണും തലസ്ഥാനമായ റിയാദിലേക്ക് തൊടുത്ത ബാലിസ്റ്റിക് മിസൈലുമാണ് സൗദി വ്യോമസേന ആകാശത്തുവെച്ചുതന്നെ തകർത്തത്.

## Article Content

**റിയാദ്: ** സൗദി അറേബ്യയെ ലക്ഷ്യമിട്ട് ഹൂതി മിലീഷ്യകൾ വീണ്ടും നടത്തിയ ഡ്രോൺ-മിസൈൽ ആക്രമണങ്ങളെ സൗദി വ്യോമ പ്രതിരോധ സേന വിജയകരമായി തടഞ്ഞു തകർത്തു. കിഴക്കൻ പ്രവിശ്യയെ ലക്ഷ്യമാക്കി എത്തിയ ഡ്രോണും തലസ്ഥാനമായ റിയാദിലേക്ക് തൊടുത്ത ബാലിസ്റ്റിക് മിസൈലുമാണ് സൗദി വ്യോമസേന ആകാശത്തുവെച്ചുതന്നെ തകർത്തത്.

ശനിയാഴ്ച പുറപ്പെടുവിച്ച വാർത്താക്കുറിപ്പിൽ സഖ്യസേനാ വക്താവ് ബ്രിഗേഡിയർ ജനറൽ തുർക്കി അൽ-മാലകിയാണ് ഇക്കാര്യം സ്ഥിരീകരിച്ചത്. രാജ്യത്തിന്റെ വിവിധ ഭാഗങ്ങളെ ലക്ഷ്യമിട്ട് ഹൂതികൾ ആവർത്തിച്ച് ആക്രമണങ്ങൾ നടത്താൻ ശ്രമിക്കുകയാണെന്ന് വക്താവ് പറഞ്ഞു.

കഴിഞ്ഞ ദിവസങ്ങളിലും റിയാദ്, ഖമീസ് മുശൈത്ത് എന്നിവിടങ്ങൾ ലക്ഷ്യമാക്കി വന്ന രണ്ട് ബാലിസ്റ്റിക് മിസൈലുകൾ വ്യോമ പ്രതിരോധ സംവിധാനം വിജയകരമായി തടഞ്ഞിരുന്നതായി അൽ-മാലകി ചൂണ്ടിക്കാട്ടി. രാജ്യത്തിന്റെ സുരക്ഷയും സ്ഥിരതയും തകർക്കാനുള്ള ഹൂതി മിലീഷ്യകളുടെ ശ്രമങ്ങളെ അത്യാധുനിക പ്രതിരോധ സംവിധാനങ്ങളിലൂടെ സൗദി അറേബ്യ ശക്തമായി നേരിടുകയാണെന്ന് അദ്ദേഹം വ്യക്തമാക്കി.

Saudi air defenses successfully intercepted and destroyed a drone and a ballistic missile launched by Houthi militants toward the kingdom. A coalition spokesman said the attacks targeted the Eastern Province and Riyadh, and noted that earlier missile attempts on Riyadh and Khamis Mushait were also thwarted.

### Related Links & Sources
- [Original Story Source](https://gcc.truevisionnews.com/news/388482/saudi-houthi-missile-drone-attack)