---
title: "'വിദ്യാർത്ഥികളുമായി സ്വകാര്യ ചാറ്റിങ് വേണ്ട, പ്രത്യേക പരിഗണനയും പാടില്ല'; ദുബൈയിൽ അധ്യാപകർക്കും സ്കൂൾ ജീവനക്കാർക്കും കർശന നിർദേശം"
english_title: "No Private Chats With Students: Dubai Issues Strict Rules for Teachers and Staff"
publisher: "gccnews.in"
canonical_url: "https://gcc.truevisionnews.com/news/391919/dubai-teachers-staff-strict-rules-students"
published_at: "2026-11-17T06:40:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6afbaa5ad2363_dubai-teachers-staff-strict-rules-students.jpg"
keywords: ["DubaiEducation", "TeacherConduct", "StudentSafety", "PrivateSchools", "KHDA"]
---

# 'വിദ്യാർത്ഥികളുമായി സ്വകാര്യ ചാറ്റിങ് വേണ്ട, പ്രത്യേക പരിഗണനയും പാടില്ല'; ദുബൈയിൽ അധ്യാപകർക്കും സ്കൂൾ ജീവനക്കാർക്കും കർശന നിർദേശം

> **Lead Summary:** ദുബൈ: വിദ്യാര്‍ത്ഥികളുമായി ആശയവിനിമയം നടത്താന്‍ അധ്യാപകര്‍ സ്വന്തം ഫോണുകള്‍ ഉപയോഗിക്കുന്നത് ഉള്‍പ്പെടെയുള്ളവയില്‍ ദുബൈയില്‍ വിലക്ക്. നോളജ് ആന്‍ഡ് ഹ്യൂമന്‍ ഡെവലപ്മെന്റ് അതോറിറ്റി ഏര്‍പ്പെടുത്തിയ പുതിയ സുരക്ഷാ മാനദണ്ഡങ്ങള്‍ പ്രകാരമാണിത്.

## Article Content

ദുബൈ: വിദ്യാര്‍ത്ഥികളുമായി ആശയവിനിമയം നടത്താന്‍ അധ്യാപകര്‍ സ്വന്തം ഫോണുകള്‍ ഉപയോഗിക്കുന്നത് ഉള്‍പ്പെടെയുള്ളവയില്‍ ദുബൈയില്‍ വിലക്ക്. നോളജ് ആന്‍ഡ് ഹ്യൂമന്‍ ഡെവലപ്മെന്റ് അതോറിറ്റി ഏര്‍പ്പെടുത്തിയ പുതിയ സുരക്ഷാ മാനദണ്ഡങ്ങള്‍ പ്രകാരമാണിത്.

സ്വകാര്യ വിദ്യാഭ്യാസ സ്ഥാപനങ്ങളിലെ ജീവനക്കാര്‍ വിദ്യാര്‍ത്ഥികളുമായി ആശയവിനിമയം നടത്തുന്നതിന് വ്യക്തിഗത ഡിവൈസുകളോ, സ്വകാര്യ മൊബൈല്‍ നമ്പറില്‍ നിന്നോ, സോഷ്യല്‍ മീഡിയ പ്ലാറ്റ്ഫോമുകളോ ഉപയോഗിക്കുന്നിനും നിരോധനമുണ്ട്.

എല്ലാ പഠനപ്രവര്‍ത്തനങ്ങളും ആശയവിനിമയങ്ങളും സ്ഥാപനം അംഗീകരിച്ച ഡിവൈസുകളിലൂടെയും പ്ലാറ്റ്ഫോമുകളിലൂടെയും മാത്രമേ നടത്താവൂ എന്നാണ് പുതിയ നിര്‍ദേശം. നവംബര്‍ 13-ന് പ്രഖ്യാപിച്ച, ദുബൈയിലെ സ്വകാര്യ വിദ്യാഭ്യാസ സ്ഥാപനങ്ങളിലെ സുരക്ഷയ്ക്കും വിദ്യാര്‍ത്ഥി സംരക്ഷണത്തിനുമായുള്ള പുതിയ നയ ചട്ടക്കൂടിന്റെ ഭാഗമാണ് ഈ നിയന്ത്രണങ്ങള്‍.

പ്രൊഫഷണല്‍ പെരുമാറ്റം, ആശങ്കകള്‍, വിദ്യാര്‍ത്ഥികളെ ദോഷകരമായ സാഹചര്യങ്ങളില്‍ നിന്ന് സംരക്ഷിക്കല്‍ എന്നിവയുള്‍പ്പെടെ, ദുബൈായിലെ സ്വകാര്യ വിദ്യാഭ്യാസ മേഖലയിലുടനീളം ബാധകമായ പൊതു സുരക്ഷാ മാനദണ്ഡങ്ങള്‍ ഉള്‍പ്പെടുന്നതാണ് നിര്‍ദേശങ്ങള്‍.

ജീവനക്കാര്‍ അനുവാദമില്ലാത്ത സമ്മാനങ്ങള്‍ സ്വീകരിക്കുകയോ, ചില വിദ്യാര്‍ത്ഥികളോട് മാത്രം പ്രത്യേക പരിഗണന കാണിക്കുകയോ ചെയ്യരുത്. വിദ്യാര്‍ത്ഥികള്‍ ഉള്‍പ്പെടുന്ന ഫോട്ടോഗ്രാഫി, സോഷ്യല്‍ മീഡിയ, ഡിജിറ്റല്‍ ഉള്ളടക്കം എന്നിവയുമായി ബന്ധപ്പെട്ട നിയമങ്ങള്‍ പാലിക്കണം തുടങ്ങിയ നിയന്ത്രണങ്ങളാണ് ഏര്‍പ്പെടുത്തിയിട്ടുള്ളത്.

Dubai has barred teachers and school staff in private education institutions from using personal phones, private numbers, or social media to communicate with students. The new safety framework also prohibits accepting unauthorized gifts, showing favoritism, and mishandling student-related photos or digital content.

### Related Links & Sources
- [Original Story Source](https://gcc.truevisionnews.com/news/391919/dubai-teachers-staff-strict-rules-students)