മസ്കറ്റ്: ഒമാനില് ദോഫാര് മേഖലയില് ശക്തമായ പൊടിക്കാറ്റ്. ആദം-ഹൈമ-തുംറൈത് റോഡില് ദൂരക്കാഴ്ച കുറവായതിനാല് വാഹനയാത്രക്കാര് ജാഗ്രത പുലര്ത്തണമെന്ന് റോയല് ഒമാന് പൊലീസ് മുന്നറിയിപ്പ് നല്കി.
പൊടിക്കാറ്റ് തുടരുന്നതിനാലും ആദം-തുംറൈത് റോഡില് ദൂരക്കാഴ്ച കുറവായതിനാലും വാഹനമോടിക്കുന്നവര് ജാഗ്രത പുലര്ത്തണമെന്നും ദോഫാര് ഗവര്ണറേറ്റിലൂടെ അത്യാവശ്യമല്ലാത്ത യാത്രകള് ഒഴിവാക്കണമെന്നും റോയല് ഒമാന് പൊലീസ് പ്രസ്താവനയില് അറിയിച്ചു.
വാഹനങ്ങള് അമിതവേഗത ഒഴിവാക്കണമെന്നും മതിയായ അകലം പാലിച്ച് വാഹനമോടിക്കണമെന്നും പൊലീസ് ആവശ്യപ്പെട്ടു. കൂടുതല് പട്രോളിങ് സംഘങ്ങളെ നിയോഗിച്ചിട്ടുണ്ട്.
Strong dust storm in Dhofar region of Oman