മനാമ : ബഹ്റൈനില് മോട്ടോര് സൈക്കിള് അപകടത്തില് പ്രവാസി യുവാവ് മരിച്ചു. വ്യാഴാഴ്ച അറാദ് ഹൈവേയിലായിരുന്നു അപകടമെന്ന് ബഹ്റൈന് ആഭ്യന്തര മന്ത്രാലയം പുറത്തിറക്കിയ പ്രസ്താവനയില് പറയുന്നു.
39 വയസുകാരനാണ് മരിച്ചത്. എന്നാല് ഇദ്ദേഹം ഏത് രാജ്യക്കാരനാണെന്നത് ഉള്പ്പെടെയുള്ള വിശദവിവരങ്ങളൊന്നും ലഭ്യമായിട്ടില്ല.
സൗദിയിൽ ഉംറ സംഘത്തിന്റെ ബസ് ട്രക്കുമായി കൂട്ടിയിടിച്ച് അപകടം; രണ്ട് മരണം
റിയാദ് : ഒമാനില് നിന്ന് ഉംറക്ക് എത്തിയ തീർത്ഥാടകരുടെ ബസ് സൗദി അറേബ്യയിൽ ട്രക്കുമായി കൂട്ടിയിടിച്ച് രണ്ട് മരണം. ബുധനാഴ്ച്ച വൈകുന്നേരം റിയാദ് - തായിഫ് റോഡില് അല് നസായിഫ് പാലത്തിന് സമീപം ട്രക്കിന് പിന്നിലിടിച്ചാണ് അപകടം.
ഗുരുതരമായി പരിക്കേറ്റ രണ്ട് പേര് തല്ക്ഷണം മരിച്ചു. 18 പേര്ക്ക് ഗുരുതരമായി പരിക്കേറ്റു. മരിച്ച രണ്ടുപേരും ഒമാന് സ്വദേശികളാണെന്നാണ് റിപ്പോര്ട്ടുകള്.
മൃതദേഹങ്ങള് ജിദ്ദയിലെ ഒമാന് കോണ്സുലേറ്റ് ഇടപെട്ട് ഒമാനിലേക്ക് കൊണ്ടുപോയി. പരിക്കേറ്റവരെ അല്മോയ, ദലം ആശുപത്രികളിലേക്ക് മാറ്റി. പരിക്കേറ്റവരില് ചിലരുടെ നില ഗുരുതരമാണ്.
Expatriate youth dies in motorcycle accident in Bahrain