---
title: "സൗദിയില്‍ കൊവിഡ് ബാധിതരില്‍ 61 പേര്‍ ഗുരുതരാവസ്ഥയില്‍"
english_title: "In Saudi Arabia, 61 of the Kovid victims are in critical condition"
publisher: "gccnews.in"
canonical_url: "https://gcc.truevisionnews.com/news/8417/in-saudi-arabia-61-of-the-kovid-victims-are-in-critical-condition"
published_at: "2021-11-01T21:37:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/618010feadac4_COVID.jpg"
keywords: []
---

# സൗദിയില്‍ കൊവിഡ് ബാധിതരില്‍ 61 പേര്‍ ഗുരുതരാവസ്ഥയില്‍

> **Lead Summary:** **റിയാദ്**: സൗദി അറേബ്യയില്‍ കൊവിഡ് ബാധിതരില്‍ 61 പേരാണ് ഗുരുതരാവസ്ഥയില്‍ കഴിയുന്നത്. ആരോഗ്യമന്ത്രാലയം പുറത്തുവിട്ട പ്രതിദിന കണക്ക് പ്രകാരം രാജ്യത്ത് പുതുതായി 49 പേര്‍ക്കാണ് കൊവിഡ് ബാധ സ്ഥിരീകരിച്ചത്. രോഗബാധിതരില്‍ 35 പേര്‍ സുഖം പ്രാപിച്ചു.

## Article Content

**റിയാദ്**: സൗദി അറേബ്യയില്‍ കൊവിഡ് ബാധിതരില്‍ 61 പേരാണ് ഗുരുതരാവസ്ഥയില്‍ കഴിയുന്നത്. ആരോഗ്യമന്ത്രാലയം പുറത്തുവിട്ട പ്രതിദിന കണക്ക് പ്രകാരം രാജ്യത്ത് പുതുതായി 49 പേര്‍ക്കാണ് കൊവിഡ് ബാധ സ്ഥിരീകരിച്ചത്. രോഗബാധിതരില്‍ 35 പേര്‍ സുഖം പ്രാപിച്ചു.

24 മണിക്കൂറിനിടയില്‍ രണ്ടുപേര്‍ കൂടി കൊവിഡ് ബാധിച്ച് മരിച്ചു. രാജ്യത്ത് വിവിധ ഭാഗങ്ങളിലായി 39,750 പി.സി.ആര്‍ പരിശോധനകള്‍ ഇന്ന് നടന്നു. രാജ്യത്ത് ആകെ റിപ്പോര്‍ട്ട് ചെയ്ത രോഗ ബാധിതരുടെ എണ്ണം 5,48,666 ആയി. ഇതില്‍ 5,37,605 പേരും സുഖം പ്രാപിച്ചു. ആകെ 8,796 പേര്‍ മരിച്ചു.

രോഗം ബാധിച്ച് ചികിത്സയില്‍ കഴിയുന്നവരില്‍ 61 പേരുടെ നില ഗുരുതരമാണ്. വിവിധ ആശുപത്രികളില്‍ തീവ്രപരിചരണ വിഭാഗത്തില്‍ കഴിയുന്നവരൊഴികെ ബാക്കിയുള്ളവരുടെ സ്ഥിതി തൃപ്തികരമാണ്. രാജ്യത്തെ കൊവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു.

രാജ്യത്തെ വിവിധ മേഖലകളില്‍ പുതുതായി റിപ്പോര്‍ട്ട് ചെയ്ത രോഗികളുടെ എണ്ണം: റിയാദ് 14, ജിദ്ദ 11, മക്ക 5, മദീന 2, ജീസാന്‍ 2, ഖോബാര്‍ 2, യാംബു 2, മറ്റ് 11 സ്ഥലങ്ങളില്‍ ഓരോ വീതം രോഗികള്‍.

രാജ്യത്താകെ ഇതുവരെ 45,754,360 ഡോസ് വാക്‌സിന്‍ കുത്തിവെച്ചു. ഇതില്‍ 24,218,387 എണ്ണം ആദ്യ ഡോസ് ആണ്. 21,535,973 എണ്ണം സെക്കന്‍ഡ് ഡോസും. 1,701,514 ഡോസ് പ്രായാധിക്യമുള്ളവര്‍ക്കാണ് നല്‍കിയത്.

### Related Links & Sources
- [Original Story Source](https://gcc.truevisionnews.com/news/8417/in-saudi-arabia-61-of-the-kovid-victims-are-in-critical-condition)