---
title: "അറബ് ക്ലബ് ചാമ്പ്യന്‍ഷിപ്പ് ഇനി കിങ് സല്‍മാന്‍ കപ്പിന് വേണ്ടിയുള്ള മത്സരമാക്കും"
english_title: "The Arab Club Championship will now be a match for the King Salman Cup"
publisher: "gccnews.in"
canonical_url: "https://gcc.truevisionnews.com/news/97223/the-arab-club-championship-will-now-be-a-match-for-the-king-salman-cup"
published_at: "2023-02-15T16:05:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/63ecb5a036f45_arab_.jpg"
keywords: []
---

# അറബ് ക്ലബ് ചാമ്പ്യന്‍ഷിപ്പ് ഇനി കിങ് സല്‍മാന്‍ കപ്പിന് വേണ്ടിയുള്ള മത്സരമാക്കും

> **Lead Summary:** അറബ് ക്ലബ് ചാമ്പ്യന്‍ഷിപ്പ് ഇനി മുതല്‍ കിങ് സല്‍മാന്‍ കപ്പിന് വേണ്ടിയുള്ള മത്സരമാക്കാന്‍ യൂണിയന്‍ ഓഫ് അറബ് ഫുട്ബാള്‍ അസോസിയേഷന്‍ (യു.എ.എഫ്.എ) തീരുമാനം. അബഹ, അല്‍ ബാഹ, ത്വാഇഫ് എന്നീ നഗരങ്ങളില്‍ കിങ് സല്‍മാന്‍ അറബ് ക്ലബ് മത്സരങ്ങള്‍ക്ക് സൗദി അറേബ്യ ആതിഥേയത്വം വഹിക്കും.

## Article Content

അറബ് ക്ലബ് ചാമ്പ്യന്‍ഷിപ്പ് ഇനി മുതല്‍ കിങ് സല്‍മാന്‍ കപ്പിന് വേണ്ടിയുള്ള മത്സരമാക്കാന്‍ യൂണിയന്‍ ഓഫ് അറബ് ഫുട്ബാള്‍ അസോസിയേഷന്‍ (യു.എ.എഫ്.എ) തീരുമാനം. അബഹ, അല്‍ ബാഹ, ത്വാഇഫ് എന്നീ നഗരങ്ങളില്‍ കിങ് സല്‍മാന്‍ അറബ് ക്ലബ് മത്സരങ്ങള്‍ക്ക് സൗദി അറേബ്യ ആതിഥേയത്വം വഹിക്കും.

അറബ് ഫുട്ബാള്‍ ക്ലബ് ചാമ്പ്യന്‍ഷിപ്പിന് കിങ് സല്‍മാന്‍ കപ്പ് എന്ന് പേരിടാന്‍ അംഗീകാരം നല്‍കിയതിന് അസോസിയേഷന്‍ പ്രസിഡന്റ് കൂടിയായ സൗദി കായിക മന്ത്രി അമീര്‍ അബ്ദുല്‍ അസീസ് ബിന്‍ തുര്‍ക്കി അല്‍ ഫൈസല്‍, സല്‍മാന്‍ രാജാവിന് നന്ദി പറഞ്ഞു.

അറബ് ഫുട്ബാള്‍ അസോസിയേഷനുള്ള കരുതലിനും അത് സംഘടിപ്പിക്കുന്ന മത്സരങ്ങള്‍ക്കുള്ള പിന്തുണക്കും കിരീടാവകാശിയും പ്രധാന മന്ത്രിയുമായ മുഹമ്മദ് ബിന്‍ സല്‍മാനോടുള്ള നന്ദിയും കായിക മന്ത്രി അമീര്‍ അബ്ദുല്‍ അസീസ് ബിന്‍ തുര്‍ക്കി അല്‍ ഫൈസല്‍ പറഞ്ഞു.

### Related Links & Sources
- [Original Story Source](https://gcc.truevisionnews.com/news/97223/the-arab-club-championship-will-now-be-a-match-for-the-king-salman-cup)