പുറംകടലില്‍ ഗുരുതരാവസ്ഥയിലായ ഇന്ത്യക്കാരനെ ഹെലികോപ്റ്ററില്‍ ആശുപത്രിയില്‍ എത്തിച്ചു

സലാല  :  ഒമാനിലെ ദോഫാര്‍ ഗവര്‍ണറേറ്റില്‍ സലാല വിലായത്തിലെ പുറംകടലെത്തിയ ‘ജഗ് ലോകേഷ്’ എന്ന ഇന്ത്യന്‍ ട്രാന്‍സിറ്റ് വാണിജ്യ കപ്പലില്‍ ഗുരുതരമായ ആരോഗ്യനിലയിലെത്തിയ ജീവനക്കാരനെ റോയല്‍ എയര്‍ഫോഴ്സ് ഇടപെട്ട് ആശുപത്രിയിലെത്തിച്ചു.

റോയല്‍ എയര്‍ഫോഴ്സിന്‍റെ ഹെലികോപ്റ്ററിലാണ് വൈദ്യസഹായത്തിനായി ഇദ്ദേഹത്തെ ഖാബൂസ് ആശുപത്രിയിലേക്ക് മാറ്റിയതെന്ന് ഒമാന്‍ ന്യൂസ് ഏജന്‍സി റിപ്പോര്‍ട്ട് ചെയ്തു.

ഒരു ഇന്ത്യന്‍ പൗരന് അടിയന്തിര വൈദ്യസഹായം ലഭ്യമാക്കുന്നതിന് ഒമാന്‍ അധികൃതര്‍ നല്‍കിയ സഹായത്തിനും പിന്തുണക്കും മസ്‌കറ്റ്   ഇന്ത്യന്‍ എംബസി നന്ദി അറിയിച്ചു.

ഈ മാനുഷിക പരിഗണനയെ അഭിനന്ദിക്കുന്നെന്നും മസ്‌കറ്റ് ഇന്ത്യന്‍ എംബസി ട്വിറ്ററില്‍ കുറിച്ചു.

ചുവടെ കൊടുക്കുന്ന അഭിപ്രായങ്ങള്‍ ജിസിസിയുടെതല്ല . സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്....ജിസിസി ടീം

Leave a Reply

Your email address will not be published. Required fields are marked *