ക്വാറന്റൈന്‍ രോഗികള്‍ക്ക് സൗജന്യങ്ങള്‍

റിയാദ്:  കൊവിഡ് 19 വൈറസ് ബാധിച്ച് സൗദിയില്‍ ക്വാറന്റൈനില്‍ കഴിയുന്നവര്‍ക്ക് ഇന്റര്‍നെറ്റും ടെലിഫോണ്‍ വിളിയും സൗജന്യമാക്കി വിവിധ ടെലികോം കമ്പനികള്‍. ഏപ്രിലിലെ ടെലിഫോണ്‍ ബില്ലുകളാണ് സൗജന്യമാക്കിയത്. നിരവധിപേരാണ് വിവിധ ആശുപത്രികളിലും ഹോട്ടലുകളിലും വീടുകളിലുമായി ക്വാറന്റൈനില്‍ കഴിയുന്നത്. കൊവിഡ് വ്യാപനത്തിന്റെ പശ്ചാത്തലത്തില്‍ സേനനങ്ങള്‍ തികച്ചും സൗജന്യമായിരിക്കുമെന്ന് സൗദി ടെലികോം കമ്പനി അറിയിച്ചു.

ഇതേ ആനുകൂല്യം സെയിന്റെയും മൊബൈലിയുടെയും ഉപഭോക്താക്കള്‍ക്കും പ്രഖ്യാപിച്ചിട്ടുണ്ട്. രോഗികളുമായി സമ്പര്‍ക്കം പുലര്‍ത്തിയവരും വിദേശത്തു നിന്നെത്തിയവരുമായ നിരവധിപേര്‍ വിവിധ ആശുപത്രികളിലും ഹോട്ടലുകളിലും വീടുകളിലും ക്വാറന്റൈനില്‍ കഴിയുന്നുണ്ട്. ആരോഗ്യ മന്ത്രാലയത്തിന്റെ നേതൃത്വത്തില്‍ ഇവര്‍ക്ക് വേണ്ട നിര്‍ദ്ദേശങ്ങളും സഹായങ്ങളും വിവിധ വകുപ്പുകളുമായി സഹകരിച്ചു ചെയ്യുന്നുണ്ട്.

ഇതുവരെ രാജ്യത്ത് 1885 പേര്‍ക്ക് കൊവിഡ് 19 സ്ഥിരീകരിച്ചെങ്കിലും രോഗം ഭേദമാകുന്നവരുടെ എണ്ണത്തിലുള്ള വര്‍ദ്ധന കൂടുതല്‍ പ്രതീക്ഷ നല്‍കുന്നതാണ്. ഇതുവരെ രോഗം ഭേദമായി ആശുപത്രി വിട്ടവരുടെ എണ്ണം 328 ആയതായി ആരോഗ്യ മന്ത്രാലയം അറിയിച്ചു.

ചുവടെ കൊടുക്കുന്ന അഭിപ്രായങ്ങള്‍ ജിസിസിയുടെതല്ല . സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്....ജിസിസി ടീം

Leave a Reply

Your email address will not be published. Required fields are marked *