ഇഖാമ പുതുക്കാനാവാത്ത ഇന്ത്യക്കാര്‍ക്ക് സൗദി വിടാന്‍ അവസരം…

റിയാദ്: സൗദിയിലെ തിരിച്ചറിയല്‍ രേഖയായ ഇഖാമ പുതുക്കാനാവാത്ത ഇന്ത്യക്കാര്‍ക്ക് സൗദി വിടാന്‍ അവസരം. സൗദിയിലെ ഇന്ത്യന്‍ എംബസിയാണ് ഇക്കാര്യം അറിയിച്ചത്. ഹുറൂബിലകപ്പെട്ടവര്‍ക്കും നാടുവിടാന്‍ അവസരമുണ്ട്.

Loading...

വീട്ടുഡ്രൈവര്‍മാര്‍ അടക്കമുള്ള വ്യക്തിഗത വിസയിലുള്ളവരും സൗദിയിലെ തിരിച്ചറില്‍ രേഖയായ ഇഖാമ പുതുക്കാന്‍ കഴിയാതെ പ്രതിസന്ധിയിലായ ഇന്ത്യക്കാര്‍ക്ക് നാടുകടത്തല്‍ കേന്ദ്രം വഴി സൗദിയില്‍നിന്നും ഇന്ത്യയിലേക്ക് പോകുവാനുള്ള അവസരം ഉള്ളതായി റിയാദ് ഇന്ത്യന്‍ എംബസി അറിയിച്ചു.

വീട്ടുഡ്രൈവര്‍ വിസയിലുള്ളവര്‍ക്കും വ്യക്തിഗത വിസയിലുള്ളവര്‍ക്കുമാണ് ഇപ്പോള്‍ നാടുകടത്തല്‍ കേന്ദ്രം വഴി നാടണയാന്‍ അവസരമുള്ളത്. അടുത്ത ഞായറാഴ്ച മുതലാണ് നാടുകടത്തല്‍ കേന്ദ്രം നടപടികള്‍ തുടങ്ങുക. നാട്ടിലേക്ക് പോകുവാന്‍ ആഗ്രഹിക്കുന്ന ഇത്തരത്തിലുള്ളവര്‍ റിയാദിലുള്ള ഇന്ത്യന്‍ എംബസിയുമായോ ജിദ്ദയിലുള്ള ഇന്ത്യന്‍ കോണ്‍സുലേറ്റുമായോ ബന്ധപ്പെടണമെന്ന് ഇന്ത്യന്‍ എംബസി കമ്മ്യുണിറ്റി വെല്‍ഫയര്‍ കോണ്‍സുലാര്‍ ദേശ് ബന്ദു ഭാട്ടി അറിയിച്ചു.

ഒരു ദിവസം അമ്ബതോളം ഇന്ത്യക്കാര്‍ക്കാണ് നാടുകടത്തല്‍ കേന്ദ്രം വഴി നാട്ടിലേക്ക് മടങ്ങാനാവുക. അടുത്ത ഞായറാഴ്ച മുതലെ നാടുകടത്തല്‍ കേന്ദ്രത്തില്‍ നടപടികള്‍ തുടങ്ങുകയുള്ളു എങ്കിലും ഇന്ന് മുതല്‍ എംബസിയിലും കോണ്‍സുലേറ്റിലുമെത്തി പേര് രജിസ്റ്റര്‍ ചെയ്യാവുന്നതാണ്. പേര് രജിസ്റ്റര്‍ ചെയ്യുന്ന മുറക്ക് ആവശ്യമായ യാത്രാരേഖകള്‍ നല്‍കി തുടങ്ങും. അതേസമയം കമ്ബനികളുടെയും മറ്റ് സ്ഥാപനങ്ങളുടെയും താമസ രേഖയുള്ളവരും കേസിലകപ്പെട്ടവര്‍ക്കും നാട്ടിലേക്ക് പോകുവാന്‍ അവസരമില്ലാത്തതിനാല്‍ അത്തരക്കാര്‍ കോണ്‍സുലേറ്റിലൊ എംബസിയിലൊ ചെന്ന് പേര് രജിസ്റ്റര്‍ ചെയ്യേണ്ടതില്ല

Loading...

ചുവടെ കൊടുക്കുന്ന അഭിപ്രായങ്ങള്‍ ജിസിസിയുടെതല്ല . സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്....ജിസിസി ടീം

Leave a Reply

Your email address will not be published. Required fields are marked *