കോവിഡ് ചട്ട ലംഘനം: ഖത്തറിൽ 734 പേർക്ക് എതിരെ നടപടി

ദോഹ : കോവിഡ് മുൻകരുതൽ വ്യവസ്ഥകൾ ലംഘിച്ച 734 പേർക്കെതിരെ ആഭ്യന്തര മന്ത്രാലയം നടപടി സ്വീകരിച്ചു.

പൊതുസ്ഥലത്ത് മാസ്‌ക് ധരിക്കാത്ത 705 പേർ, വാഹന വ്യവസ്ഥ ലംഘിച്ച 14 പേർ, മൊബൈലിൽ ഇഹ്‌തെറാസ് ഇൻസ്റ്റാൾ ചെയ്യാത്ത 7 പേർ, സാമൂഹിക അകലം പാലിക്കാത്ത 8 പേർ എന്നിങ്ങനെയാണ് നടപടി സ്വീകരിച്ചവരുടെ എണ്ണം.

നിയമ ലംഘകരെ പബ്ലിക് പ്രോസിക്യൂഷന് കൈമാറി. കോവിഡ് മുൻകരുതൽ വ്യവസ്ഥകൾ ലംഘിച്ച പതിനായിരത്തിലധികം പേർക്കെതിരെ ഇതിനകം നടപടി സ്വീകരിച്ചു കഴിഞ്ഞു.

വാഹനങ്ങളിൽ ഒരേ കുടുംബത്തിലെ അംഗങ്ങൾ ഒഴികെ  ഡ്രൈവർ ഉൾപ്പെടെ 4 പേരിൽ കൂടാൻ പാടില്ല. 1990 ലെ 17-ാം നമ്പർ പകർച്ചവ്യാധി പ്രതിരോധ നിയമത്തിലെ വ്യവസ്ഥകൾ പ്രകാരമാണ് ശിക്ഷാ നടപടികൾ.

ചുവടെ കൊടുക്കുന്ന അഭിപ്രായങ്ങള്‍ ജിസിസിയുടെതല്ല . സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്....ജിസിസി ടീം

Leave a Reply

Your email address will not be published. Required fields are marked *