പ്രതിസന്ധി പരിഹരിക്കാന്‍ ഖത്തര്‍ തുര്‍ക്കിയുടെ സഹായം തേടി. തുടര്‍ന്ന് ദോഹയില്‍ നിരവധി തുര്‍ക്കിഷ് ടാങ്കുകള്‍ എത്തി തുടങ്ങി. ഖത്തറിന്റെ ഈ നീക്കത്തില്‍ കടുത്ത ആശങ്കയിലാണ് ബഹറിന്‍. സൗദി അറേബ്യഉള്‍പ്പടെയുള്ള അറബ് രാജ്യങ്ങളാണ് ഖത്തറിനെ പ്രതിസന്ധിയിലാക്കിയത്.
തുര്‍ക്കിഷ് ലൈറ്റ് ടാങ്കുകള്‍ ദോഹയിലെ തെരുവുകളിലൂടെ കടന്നു പോകുന്ന ചിത്രങ്ങളും പുറത്ത് വന്നിരിക്കുകയാണ്. ഖത്തറുമായി അറബ് രാജ്യങ്ങള്‍ക്കുള്ള വിയോജിപ്പ് സൈനികപരമല്ലെന്നുമാണ് ബഹറിന്‍ പറയുന്നത്. ഒരു വിദേശരാജ്യത്തിന്റെ സേനയെ ഇവിടേക്ക് എത്തിച്ച ഖത്തറിന്റെ നീക്കം വലിയ പ്രത്യാഘാതങ്ങളുണ്ടാക്കുമെന്നും അത് ഖത്തറിന് തന്നെ തിരിച്ചടിയാകുമെന്നും ബഹറിന്‍ മുന്നറിയിപ്പ് നല്‍കി.
ഖത്തറിലേക്ക് 100ല്‍ അധികം സൈനികരെയാണ് തുര്‍ക്കി അയച്ചിരിക്കുന്നത്. ഖത്തര്‍ പാര്‍ലിമെന്റിനുള്ള തങ്ങളുടെ പിന്തുണ പ്രകടിപ്പിക്കാനാണ് തുര്‍ക്കി ഈ നീക്കം നടത്തിയിരിക്കുന്നത്. ഇരു രാജ്യങ്ങളും ചേര്‍ന്ന് സംയുക്ത സൈനിക അഭ്യാസം നടത്തുമെന്നും തുര്‍ക്കിഷ് ഹുറിയത്ത് ന്യൂസ് പേപ്പര്‍ പുറത്തുവിട്ടു. തുര്‍ക്കി ദോഹയില്‍ സ്ഥാപിച്ച ചെറിയ മിലിട്ടറി ബേസ് ഉടന്‍ അടച്ച്‌ പൂട്ടണമെന്ന ആവശ്യം ഖത്തറിന് കൈമാറിയ 13 ഡിമാന്റുകളില്‍ സൗദി ഉള്‍പ്പെടുത്തിയിരുന്നു. ബേസ് അടച്ച്‌ പൂട്ടില്ലെന്ന് തുര്‍ക്കി വ്യക്തമാക്കി.
ഖത്തറിന് ഇറാനില്‍ നിന്നും ഭക്ഷണം എത്തിക്കുന്നുണ്ട്.. ഇറാന്റെ എയര്‍സ്പേസ് ഖത്തര്‍ വിമാനങ്ങള്‍ ഉപയോഗിക്കുന്നുണ്ട്. രംഗത്തെത്തിയിട്ടുണ്ട്. ഖത്തറിനെ മറ്റ് അറബ് രാജ്യങ്ങള്‍ ഒറ്റപ്പെടുത്തുന്നത് ശരിയല്ലെന്ന്‍ ഇറാന്‍ പ്രസിഡന്റ് ഹസന്‍ റൗഹാനി പ്രതികരിച്ചു.
