റിയാദിൽ മലയാളി എഞ്ചിനീയർമാരുടെ കൂട്ടായ്‍മക്ക് തുടക്കമാകുന്നു

റിയാദിൽ മലയാളി എഞ്ചിനീയർമാരുടെ കൂട്ടായ്‍മക്ക് തുടക്കമാകുന്നു
May 26, 2022 09:12 PM | By Susmitha Surendran

റിയാദ്: സൗദി തലസ്ഥാന നഗരിയായ റിയാദിൽ മലയാളി എഞ്ചിനീയർമാരുടെ കൂട്ടായ്മ ഉടൻ നിലവിൽ വരുമെന്ന് സംഘാടക സമിതി അറിയിച്ചു. രണ്ട് പതിറ്റാണ്ടിലേറെയായി ജിദ്ദയിൽ രൂപീകൃതമായ കേരള എഞ്ചിനീയർസ് ഫോറം (കെ.ഇ.എഫ്)ന്റെ റിയാദ് ഘടകമായിട്ടായിരിക്കും പുതിയ സംഘടന നിലവിൽ വരുന്നത്.

ജിദ്ദയിലെ മാതൃസംഘടനയില്‍ ഇന്ന് അഞ്ഞൂറിലെറെ അംഗങ്ങളുണ്ട്. ബിരുദദാരികളായിട്ടും തൊഴിലുമായി ഒരു ബന്ധമില്ലാത്ത മേഖലകളിൽ ജോലി ചെയ്യുന്ന നിരവധി പേരുണ്ട്. പുതിയ തൊഴിൽ വിസയിലെത്തി ജോലി തേടുന്നവരും അസംഖ്യമാണ്.

ഇവർക്ക് കൃത്യമായ അവബോധം കൊടുക്കലും മാർഗനിർദേശം നൽകലുമായിരിക്കും സംഘടനയുടെ പ്രധാന ലക്ഷ്യം. മലയാളി എഞ്ചിനീയർമാർക്ക് പരസ്‍പരം സംവദിക്കുന്നതിനും ശാസ്ത്ര സാങ്കേതിക രംഗത്തെ നൂതനമായ വികസനങ്ങളെക്കുറിച്ച് ബോധവാന്മാരാക്കുന്നതിനും, വ്യത്യസ്‍ത എഞ്ചിനീയറിംഗ് ശാഖകളെക്കുറിച്ചുള്ള വിവരങ്ങൾ പരസ്‍പരം കൈമാറുന്നതിനും സംഘടന വേദിയാകും.

തൊഴിൽ ചെയ്യുന്നവരും അല്ലാത്തവരുമായ മലയാളികളായ വനിതാ എൻജിനീയർമാരും സംഘടനയുടെ ഭാഗമാകും. അവരുടെ പ്രൊഫഷണൽ കഴിവുകൾ തുടർന്നു കൊണ്ടുപോകുന്നതിനുള്ള കർമ്മ പരിപാടികൾക്ക് കൂട്ടായ്‍മ നേതൃത്വം നൽകും.

റിയാദ് ചാപ്റ്ററിന് ഇതിനകം മുന്നൂറോളം അംഗങ്ങളുണ്ട്. വ്യത്യസ്‍ത മേഖലകളിലെ വിദഗ്ദ്ധരെ കൊണ്ട് വന്ന് സെമിനാറുകളും ശില്പശാലകളും നടത്താനും, പ്രൊഫഷണൽ രംഗത്ത് ഉന്നത വിദ്യാഭ്യാസവും കൂടുതൽ മെച്ചപ്പെട്ട തൊഴിലവസരങ്ങളും തേടുന്നവർക്കും സാധ്യമായ സഹായങ്ങൾ ഉറപ്പ് വരുത്താനും പ്രൊഫഷണൽ കൺസൾട്ടൻസി സെൽ സംഘടനയുടെ കീഴിൽ തുടങ്ങാനും തീരുമാനിച്ചിട്ടുണ്ട്.

മെമ്പർമാരുടെ കലാ-സാഹിത്യ-കായിക രംഗങ്ങളിലെ കഴിവുകൾ പ്രോത്സാഹിപ്പിക്കുന്ന പ്രോഗ്രാമുകൾ സംഘടിപ്പിക്കുക മുതലായവയും ലക്ഷ്യമിടുന്നു. റിയാദിലെ ഇന്ത്യൻ സമൂഹത്തിനും വിശിഷ്യാ മലയാളി സമൂഹത്തിനും എഞ്ചിനീയറിംഗ് മേഖലയിലെ വിദഗ്ധർ എന്ന നിലക്ക് സാമൂഹ്യ പ്രതിബദ്ധതയുടെ ഭാഗമായി സേവനം നടത്തുന്ന പദ്ധതികൾ രൂപീകരിക്കാനും സംഘടനക്ക് അജണ്ടയുണ്ടെന്ന് സംഘാടകർ പത്രസമ്മേളനത്തിൽ അറിയിച്ചു.

ഹസീബ് മുഹമ്മദ്, നൗഷാദ് അലി, ആഷിക് പാണ്ടികശാല, മുഹമ്മദ് ഷാഹിദ്, അബ്ദുൽമജീദ് കോട്ട, നിസാർ ഹുസൈൻ, അബ്ദുൽഅഫീൽ എന്നിവർ പത്ര സമ്മേളനത്തിൽ സംബന്ധിച്ചു. സംഘടനയുടെ ഭാഗമാകൻ താൽപര്യമുള്ള മലയാളി എഞ്ചിനീർമാർ ഹസീബ് മുഹമ്മദിനെ 0502185872 എന്ന നമ്പറിൽ ബന്ധപ്പെടണമെന്ന് സംഘാടകർ അറിയിച്ചു.

A group of Malayalee engineers is starting in Riyadh

Next TV

Related Stories
ബിഗ് ടിക്കറ്റിലൂടെ 30 കോടിയിലേറെ രൂപ സ്വന്തമാക്കി പ്രവാസി

Jul 4, 2022 06:37 AM

ബിഗ് ടിക്കറ്റിലൂടെ 30 കോടിയിലേറെ രൂപ സ്വന്തമാക്കി പ്രവാസി

അബുദാബി ബിഗ് ടിക്കറ്റിന്റെ 241-ാമത് സീരീസ് നറുക്കെടുപ്പില്‍ 1.5 കോടി ദിര്‍ഹം (32 കോടിയിലേറെ ഇന്ത്യന്‍ രൂപ) സ്വന്തമാക്കി പ്രവാസിയായ സഫ്വാന്‍...

Read More >>
എമിറേറ്റ്‌സ് വിമാനത്തില്‍ ദ്വാരം കണ്ടെത്തി

Jul 3, 2022 09:54 PM

എമിറേറ്റ്‌സ് വിമാനത്തില്‍ ദ്വാരം കണ്ടെത്തി

പറക്കലിനിടയിലാണ് വിമാനത്തിന്റെ 22 ടയറുകളില്‍ ഒരെണ്ണം പൊട്ടിയതായി...

Read More >>
മലയാളി റിയാദില്‍ കുഴഞ്ഞുവീണ് മരിച്ചു

Jul 3, 2022 09:34 PM

മലയാളി റിയാദില്‍ കുഴഞ്ഞുവീണ് മരിച്ചു

മലയാളി റിയാദില്‍ കുഴഞ്ഞുവീണ്...

Read More >>
ഒമാനിലെ  റോഡിലുണ്ടായ വാഹനാപകടത്തില്‍ നാല് സ്വദേശികള്‍ മരിച്ചു

Jul 3, 2022 08:25 PM

ഒമാനിലെ റോഡിലുണ്ടായ വാഹനാപകടത്തില്‍ നാല് സ്വദേശികള്‍ മരിച്ചു

ഒമാനിലെ ആദം-ഹൈമ റോഡിലുണ്ടായ വാഹനാപകടത്തില്‍ നാല് സ്വദേശികള്‍...

Read More >>
ഒമാനില്‍ ബുധനാഴ്ച വരെ കനത്ത മഴയ്ക്ക് സാധ്യത

Jul 3, 2022 07:26 PM

ഒമാനില്‍ ബുധനാഴ്ച വരെ കനത്ത മഴയ്ക്ക് സാധ്യത

ഒമാന്റെ വിവിധ ഗവര്‍ണറേറ്റുകളില്‍ ബുധനാഴ്ച വരെ കനത്ത മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം...

Read More >>
കുവെത്തിലെ പ്രമുഖ ഫോട്ടോഗ്രാഫർ ഗഫൂർ മൂടാടി അന്തരിച്ചു

Jul 3, 2022 02:56 PM

കുവെത്തിലെ പ്രമുഖ ഫോട്ടോഗ്രാഫർ ഗഫൂർ മൂടാടി അന്തരിച്ചു

കുവൈത്തിലെ പ്രമുഖ മലയാളി ഫോട്ടോഗ്രാഫർ ഗഫൂർ മൂടാടി (51) നാട്ടിൽ...

Read More >>
Top Stories