ദുബായ്: യുഎഇയിലെ സർക്കാർ, സ്വകാര്യ ആശുപത്രികളിൽ നാളെ ജനിക്കുന്ന കുഞ്ഞുങ്ങൾക്ക് ദേശീയ ദിനാഘോഷത്തിന്റെ ഭാഗമായി ബേബി കാർ സീറ്റുകൾ സൗജന്യമായി നൽകും.
ആർടിഎ, ദുബായ് ഹെൽത്ത് അതോറിറ്റി, ദുബായ് പൊലീസ് എന്നിവ സംയുക്തമായാണ് മൈ ചൈൽഡ്സ് ഗോൾഡൻ ജൂബിലി ഗിഫ്റ്റ് എന്ന പദ്ധതി തുടങ്ങിയത്. ദുബായിലെ 21 ആശുപത്രികളിലായി 450 കാർ സീറ്റുകൾ വിതരണം ചെയ്യും.
നാലുവയസ്സുവരെ ഉപയോഗിക്കാവുന്ന സീറ്റുകളാണിത്.റോഡ് സുരക്ഷാ ബോധവൽകരണത്തിനും സമൂഹത്തിൽ ജാഗ്രത സൃഷ്ടിക്കുന്നതിനുമാണ് പദ്ധതിയെന്ന് അധികൃതർ വ്യക്തമാക്കി.
യുഎഇയിലെ സർക്കാർ വകുപ്പുകളെല്ലാം പദ്ധതിയിൽ സഹകരിക്കും ലോകത്ത് അഞ്ചു വയസ്സു മുതൽ 29 വയസ്സുവരെയുള്ളവരുടെ മരണത്തിന് പ്രധാന കാരണം റോഡപകടങ്ങളാണെന്നും കുട്ടികൾക്കുള്ള സുരക്ഷാ സീറ്റുകൾ ഉപയോഗിക്കുന്നതിലൂടെ 60% മരണം തടയാൻ കഴിയുമെന്നും ഗൾഫ് മേഖലയിലെ യുനിസെഫ് പ്രതിനിധി എൽതയെബ് ആദം വ്യക്തമാക്കി.
Baby seat gift for babies born tomorrow
