അബുദബി: (gccnews.com) അശ്രദ്ധമായി വാഹനം ഓടിക്കുന്നത് ഗുരുതരമായ അപകടങ്ങൾ ഉണ്ടാക്കുമെന്ന് മുന്നറിയിപ്പ് നൽകി അബുദബി പൊലീസ്. അശ്രദ്ധയോടെ വാഹനം ഓടിച്ചുണ്ടായ അപകടത്തിന്റെ വീഡിയോ സമൂഹ മാധ്യമത്തിലൂടെ പങ്കുവെച്ചായിരുന്നു പൊലീസ് മുന്നറിയിപ്പ് നൽകിയത്.
നിയമം ലംഘഘിക്കുന്നവർക്കെതിരെ 800 ദിർഹം പിഴയും നാല് ബ്ലാക് പോയിന്റും പിഴയായി ചുമത്തുമെന്നും പൊലീസ് ഓർമ്മിപ്പിച്ചു. തിരക്കേറിയ റോഡിൽ ശ്രദ്ധയില്ലാതെ വന്ന വാഹനം മറ്റ് വാഹനത്തെ ഇടിക്കുകയും ഒരേസമയം മൂന്ന് വാഹനങ്ങൾ അപകടത്തിൽ പെടുകയും ചെയ്യുന്നതായിരുന്നു പൊലീസ് പുറത്തുവിട്ട വീഡിയോകളിൽ ഒന്ന്.
മറ്റൊന്ന് അശ്രദ്ധയോടെ വാഹനമോടിച്ച് ഡിവൈഡറിലേക്ക് ഇടിച്ച് കയറ്റുതിന്റെ വീഡിയോയായിരുന്നു. പൊലീസ് കൺട്രോൾ ആൻഡ് മോണിറ്ററിംഗ് സെന്ററുമായി ചേർന്നാണ് അപകടത്തിന്റെ വീഡിയോ പുറത്തുവിട്ടത്. ട്രാഫിക് സിഗ്നലുകളിലും കവലകളിലും വാഹനമോടിക്കുന്നവർ പ്രത്യേകം ശ്രദ്ധിക്കണമെന്നും പൊലീസ് നിർദേശിച്ചു.
ഡ്രൈവിങ്ങിനിടെയുള്ള മൊബൈൽ ഫോണിന്റെ ഉപയോഗം അപകടങ്ങൾക്ക് കാരണമാകുന്നുവെന്നും പൊലീസ് ആവർത്തിച്ചു. മാരകമായ അപകടങ്ങളുണ്ടാകാൻ പ്രധാന കാരണമാണ് ഡ്രൈവിങ്ങിനിടയിലെ മൊബൈൽ ഫോണിന്റെ ഉപയോഗം.
ബ്രൗസിംഗ്, സോഷ്യൽ മീഡിയ, കോളുകൾ അല്ലെങ്കിൽ ഫോട്ടോഗ്രാഫി എന്നിവയ്ക്ക് മൊബൈൽ ഫോണുകൾ ഉപയോഗിക്കുന്നത് പോലുള്ള പ്രവർത്തനങ്ങളിൽ ഏർപ്പെടുന്നതിനെതിരെ ഡ്രൈവർമാർക്ക് പൊലീസ് മുന്നറിയിപ്പ് നൽകിയിട്ടുണ്ട്.
#Accidents #due #careless #driving #AbuDhabi #Police #warning
.jpeg)
