---
title: "#arrest  | സൗദിയിൽ മയക്കുമരുന്ന്​ കടത്ത്​; 26 പേർ അറസ്​റ്റിൽ"
english_title: "#saudiarabia #drugs #trafficking #26 #arrested #saudi"
publisher: "gccnews.in"
canonical_url: "https://gcc.truevisionnews.com/news/227229/saudiarabia-drugs-trafficking-26-arrested-saudi"
published_at: "2024-08-10T19:41:00+05:30"
category: "Gulf Focus"
language: "ml"
image: "https://cf.zdn.im/img/truevisionnews.com/0/image-uploads/66b7753713cb4_soudi.jpg"
keywords: []
---

# #arrest  | സൗദിയിൽ മയക്കുമരുന്ന്​ കടത്ത്​; 26 പേർ അറസ്​റ്റിൽ

> **Lead Summary:** **റിയാദ്​: **മയക്കുമരുന്ന്​ ഇടപാടുമായി ബന്ധപ്പെട്ട്​ രാജ്യത്തി​െൻറ വിവിധ ഭാഗങ്ങളിൽനിന്നായി 26 പേരെ സുരക്ഷാസേനകൾ പിടികൂടി.

## Article Content

**റിയാദ്​: **മയക്കുമരുന്ന്​ ഇടപാടുമായി ബന്ധപ്പെട്ട്​ രാജ്യത്തി​െൻറ വിവിധ ഭാഗങ്ങളിൽനിന്നായി 26 പേരെ സുരക്ഷാസേനകൾ പിടികൂടി.

ഖസീം, ജിസാൻ, അസീർ എന്നീ പ്രവിശ്യകളിൽ ഹാഷിഷ്​, ആംഫറ്റാമിൻ, ഖാത്​ എന്നിവ കടത്തുകയും വിതരണം ചെയ്യുകയും ചെയ്​ത വ്യത്യസ്ത സംഭവങ്ങളിലാണ്​ അറസ്​റ്റ്​.

ഔഷധങ്ങളുടെ മറവിൽ ഹാഷിഷ്​, ആംഫറ്റാമിൻ ഗുളികകൾ വാഹനത്തിൽ ആവശ്യക്കാർക്ക്​ എത്തിച്ചുനൽകിയതിന്​ ഖസീം പ്രവിശ്യയിൽ ഒരു സൗദി പൗരനാണ്​ പിടിയിലായത്​.

360 കിലോഗ്രാം ഖാത് എന്ന ലഹരി സസ്യം​ അതിർത്തി കടത്തി കൊണ്ടുവന്ന്​ ആവശ്യക്കാർ എത്തിച്ചുകൊടുക്കുന്ന പ്രവൃത്തിയിലേർപ്പെട്ട ഇത്യോപ്യക്കാരും യമനികളുമായ 24 പേരെ ജിസാൻ പ്രവിശ്യയിലെ അൽദായർ​ മേഖലയിൽനിന്ന്​ അതിർത്തി സുരക്ഷാസേനയാണ്​​ പിടികൂടിയത്​.

അതിർത്തി നുഴഞ്ഞുകടക്കുകയായിരുന്നു സംഘ​ത്തെ പതിവ്​ പട്രോളിങ്ങിനിടെ പിടികൂടുകയായിരുന്നു. അസീർ പ്രവിശ്യയിലെ ദഹ്​റാന അൽജനൂബിൽനിന്ന്​ 30 കിലോഗ്രാം ഹാഷിഷുമായി മറ്റൊരു ഇത്യോപ്യൻ പൗരനും അറസ്​റ്റിലായിട്ടുണ്ട്​.

ജീസാൻ ലാൻഡ്​ പട്രോൾ സംഘം 880 കിലോഗ്രാം ഖാത്​ കടത്താനുള്ള മറ്റൊരു ശ്രമം അൽഅരീദ ​മേഖലയിലും പരാജയപ്പെടുത്തി.

അറസ്​റ്റിലായ മുഴുവൻ പ്രതികളെയും ​പ്രാഥമിക നിയമനടപ​ടികൾ പൂർത്തീകരിച്ച്​ ബന്ധപ്പെട്ട അധികാരികൾക്ക്​ കൈമാറി.

ഒപ്പം പിടികൂടിയ ലഹരിവസ്​തുക്കളും. ഇത്തരത്തിലുള്ള മയക്കുമരുന്ന്​, ലഹരി ഇടപാടുകൾ ശ്രദ്ധയിൽപ്പെട്ടാൽ മക്ക, റിയാദ്​, കിഴക്കൻ പ്രവിശ്യ മേഖലകളിൽ 911, ബാക്കിയുള്ളിടങ്ങളിൽ 999 എന്നീ നമ്പറുകളിൽ അറിയിക്കണമെന്ന്​ അധികൃതർ ജനങ്ങളോട്​ ആവശ്യപ്പെട്ടു.

### Related Links & Sources
- [Original Story Source](https://gcc.truevisionnews.com/news/227229/saudiarabia-drugs-trafficking-26-arrested-saudi)