---
title: "യാചകന്റെ കൃത്രിമ കാലിനുള്ളില്‍ ഒളിപ്പിച്ചത് മൂന്ന് ലക്ഷം ദിര്‍ഹം; അറസ്റ്റ്, പരിശോധന കർശനമാക്കി പൊലീസ് "
english_title: "Three lakh dirhams hidden inside the beggar's artificial leg"
publisher: "gccnews.in"
canonical_url: "https://gcc.truevisionnews.com/news/103444/three-lakh-dirhams-hidden-inside-the-beggars-artificial-leg"
published_at: "2023-03-16T20:03:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/641328f5b6fd4_UAE_MEETING.jpg"
keywords: []
---

# യാചകന്റെ കൃത്രിമ കാലിനുള്ളില്‍ ഒളിപ്പിച്ചത് മൂന്ന് ലക്ഷം ദിര്‍ഹം; അറസ്റ്റ്, പരിശോധന കർശനമാക്കി പൊലീസ് 

> **Lead Summary:** **ദുബൈ:** ഭിന്നശേഷിക്കാരനായി അഭിനയിച്ച്​ യാചന നടത്തിയിരുന്നതാൾ മൂന്ന്​ ലക്ഷം ദിർഹവുമായി (67 ലക്ഷം രൂപ) അറസ്റ്റിൽ. പള്ളികളിലും താമസ സ്ഥലങ്ങളിലും യാചന നടത്തിയിരുന്നയാളെയാണ്​ ദുബൈ പൊലീസ്​ അറസ്റ്റ്​ ചെയ്തത്​. കൃത്രിമമായി നിർമിച്ച കാലിൽ ഒളിപ്പിച്ച നിലയിലായിരുന്നു പണം.

## Article Content

**ദുബൈ:** ഭിന്നശേഷിക്കാരനായി അഭിനയിച്ച്​ യാചന നടത്തിയിരുന്നതാൾ മൂന്ന്​ ലക്ഷം ദിർഹവുമായി (67 ലക്ഷം രൂപ) അറസ്റ്റിൽ. പള്ളികളിലും താമസ സ്ഥലങ്ങളിലും യാചന നടത്തിയിരുന്നയാളെയാണ്​ ദുബൈ പൊലീസ്​ അറസ്റ്റ്​ ചെയ്തത്​. കൃത്രിമമായി നിർമിച്ച കാലിൽ ഒളിപ്പിച്ച നിലയിലായിരുന്നു പണം.

സന്ദർശക വിസയിലാണ്​ ഇയാൾ ദുബൈയിലെത്തിയത്​. ഇയാളെ പബ്ലിക്​ ​പ്രോസിക്യൂഷന്​ കൈമാറി.റമദാനിൽ യാചകരുടെ എണ്ണം വർധിക്കാൻ സാധ്യതയുള്ള സാഹചര്യത്തിൽ ദുബൈ പൊലീസ്​ പരിശോധന വ്യാപകമാക്കിയിട്ടുണ്ട്​. വിവിധ സ്ഥലങ്ങളിൽ നിന്നായി 70,000 ദിർഹം, 46,000 ദിർഹം, 44,000 ദിർഹം എന്നിങ്ങനെ തുകകളുമായി യാചകരെ പിടികൂടി.

അടുത്തിടെ ഒരുമാസത്തെ സന്ദർശക വിസയിലെത്തിയ ഏഷ്യൻ വനിതയുടെ ലക്ഷം ദിർഹം കളവ്​ പോയതായി പൊലീസിന്​ വിവരം ലഭിച്ചിരുന്നു. എന്നാൽ, ഇവർ യാചനയിലൂടെ ശേഖരിച്ചതാണ്​ ഈ തുകയെന്ന്​ അന്വേഷണത്തിൽ കണ്ടെത്തി.

90 ശതമാനം യാചകരും സന്ദർശക വിസയിലാണ്​ എത്തുന്നതെന്നും റമദാനിൽ ഇവരുടെ എണ്ണം വർധിക്കുമെന്നും സി​​.ഐ.ഡി ഡെപ്യൂട്ടി ഡയറക്ടർ സഈദ്​ സുഹൈൽ അൽ അയാലി പറഞ്ഞു. റമദാനിൽ ഇവരെ നിയന്ത്രിക്കുന്നത്​ സംബന്ധിച്ച്​ ചർച്ച ചെയ്യാൻ ചേർന്ന യോഗത്തിലാണ്​ അദ്ദേഹം ഇക്കാര്യം വ്യക്​തമാക്കിയത്​.

### Related Links & Sources
- [Original Story Source](https://gcc.truevisionnews.com/news/103444/three-lakh-dirhams-hidden-inside-the-beggars-artificial-leg)