അബുദാബി : യുഎഇയിൽ ബലിപെരുന്നാൾ (ഈദുൽ അദ്ഹ) 28ന് ആകാൻ സാധ്യതയെന്ന് എമിറേറ്റ്സ് അസ്ട്രോണമി സൊസൈറ്റി ചെയർമാൻ ഇബ്രാഹിം അൽ ജർവാൻ.
ഇതനുസരിച്ച് 27നായിരിക്കും അറഫ ദിനം. യുഎഇയിൽ സർക്കാർ സ്ഥാപനങ്ങൾക്ക് 27 മുതൽ 4 ദിവസം അവധി ലഭിക്കും. ശനി, ഞായർ വാരാന്ത്യ അവധി കൂടി കണക്കിലെടുത്താൽ തുടർച്ചയായി 6 ദിവസം കിട്ടും.
ശനിയാഴ്ച പ്രവൃത്തി ദിനമുള്ളവരാണെങ്കിൽ അവധി കഴിഞ്ഞ് ജൂലൈ ഒന്നിനു ജോലിക്ക് ഹാജരാകേണ്ടിവരും.
ജൂലൈ, ഓഗസ്റ്റ് മാസങ്ങളിൽ യുഎഇയിൽ മധ്യവേനൽ അവധി ആരംഭിക്കുന്നതിനാൽ നാട്ടിലേക്കു പോകുന്ന കുടുംബങ്ങൾക്ക് ഈദ് അവധി കൂടി പ്രയോജനപ്പെടുത്തി ഒരാഴ്ച നേരത്തെ പോകാനാകും.
Eid al-Adha is likely to be on 28th in UAE