അബുദബി: (gccnews.com) യുഎഇയിൽ ജീവിക്കാനും ജോലി ചെയ്യാനും ആഗ്രഹമുണ്ടോ? എങ്കിൽ അതിന് അവസരം ഒരുക്കുകയാണ് ഗ്രീൻ വിസ. സ്‌പോൺസർമാരോ തൊഴിലുടമകളോ ഇല്ലാതെ അഞ്ച് വർഷം വരെ രാജ്യത്ത് ജോലി ചെയ്യാനും താമസിക്കാനും അനുമതി നൽകുന്ന വിസയാണ് ഗ്രീൻ വിസ.
സംരംഭകർ/ നിക്ഷേപകർ, ബിസിനസ് അസോസിയേറ്റ്സ്, ഫ്രീലാൻസർമാർ, വിദഗ്ധ തൊഴിലാളികൾ എന്നിവർക്ക് ഈ സ്വയം സ്‌പോൺസർ വിസയ്ക്ക് അപേക്ഷിക്കാം. എന്നാൽ ഈ വിസയ്ക്ക് അപേക്ഷിക്കണമെങ്കിൽ ചില മാനദണ്ഡങ്ങൾ പാലിക്കേണ്ടതുണ്ട്.
ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട് സെക്യൂരിറ്റിയാണ് മാനദണ്ഡങ്ങൾ പുറത്തുവിട്ടിരിക്കുന്നത്. യുഎഇയിൽ വന്ന് വിസ നടപടിക്രമങ്ങൾ പൂർത്തിയാക്കാൻ ഒരു വിദേശിക്ക് അറുപത് ദിവസത്തെ എൻട്രി പെർമിറ്റാണ് അനുവദിക്കുക.
കൂടാതെ കുടുംബാംഗങ്ങളെ സ്‌പോൺസർ ചെയ്യാനും സാധിക്കും. ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട് സെക്യൂരിറ്റിയാണ് മാനദണ്ഡങ്ങൾ പുറത്തുവിട്ടിരിക്കുന്നത്. നിലവിൽ വിദേശത്തുള്ളവർക്ക് യുഎഇയിലെത്തി ഗ്രീൻ വിസ നടപടിക്രമങ്ങൾ പൂർത്തിയാക്കുന്നതിന് 60 ദിവസത്തെ എൻട്രി പെർമിറ്റ് നൽകും.
കൂടാതെ നിങ്ങളുടെ കുടുംബാംഗങ്ങളെ സ്‌പോൺസർ ചെയ്യാനും സാധിക്കും. സാധുതയുള്ള തൊഴിൽ കരാറുള്ളവർ, മിനിമം ബാച്ചിലേഴ്‌സ് ബിരുദം ഉള്ളവർ അല്ലെങ്കിൽ 15,000 ദിർഹത്തിൽ കുറയാത്ത ശമ്പളമുള്ളവരാണ് ഗ്രീൻ വിസയ്ക്ക് അപേക്ഷിക്കാൻ യോഗ്യതയുള്ളത്.
ഗ്രീൻ വിസാ കാലാവധി കഴിഞ്ഞ് ഓരോ ദിവസവും രാജ്യത്ത് തങ്ങിയാൽ 25 ദിർഹം പിഴ അധികമായി ഈടാക്കും. ആറ് മാസത്തിൽ കൂടുതൽ അനധികൃതമായി രാജ്യത്ത് തങ്ങിയാൽ പ്രതിദിന പിഴയായി അമ്പത് ദിർഹമാണ് ഈടാക്കുക. ഒരാൾ ഒരു വർഷത്തിൽ കൂടുതൽ അനധികൃതമായി താമസിക്കുകയാണെങ്കിൽ പിഴ നൂറ് ദിർഹം വരെയായും ഉയരും.
സ്വയം തൊഴിൽ ചെയ്യുന്ന വ്യക്തികൾക്കും ഫ്രീലാൻസർമാർക്കും ബാച്ചിലേഴ്‌സ് ബിരുദവും കഴിഞ്ഞ രണ്ട് വർഷങ്ങത്തിൽ 360,000 ദിർഹത്തിൽ കുറയാത്ത വരുമാനവും ഉണ്ടായിരിക്കണം. ഹ്യൂമൻ റിസോഴ്സസ് ആൻഡ് എമിറേറ്റൈസേഷൻ മന്ത്രാലയത്തിൽ നിന്നുള്ള ഫ്രീലാൻസ്/സ്വയം തൊഴിൽ പെർമിറ്റും ഉണ്ടായിരിക്കണം.
കമ്പനി ഡയറക്ടർമാർ, എക്‌സിക്യൂട്ടീവുകൾ, എഞ്ചിനീയർമാർ, ശാസ്ത്രം, സാങ്കേതികവിദ്യ, മനുഷ്യവിഭവശേഷി എന്നിവയിൽ പ്രവർത്തിക്കുന്ന പ്രൊഫഷണലുകൾക്ക് അപേക്ഷിക്കാം. വിദഗ്ധ തൊഴിലാളികൾ, ശാസ്ത്രം, നിയമം, വിദ്യാഭ്യാസം, സംസ്‌കാരം, സാമൂഹിക ശാസ്ത്രം തുടങ്ങി ഒമ്പത് വിഭാഗങ്ങളിലെ വൈദഗ്ധ്യമുള്ള വ്യക്തികൾക്ക് ഗ്രീൻ വിസയ്ക്ക് അപേക്ഷിക്കാൻ അർഹതയുണ്ട്.
#Dreaming #living #working #UAE #Green #Visa #prepared #opportunity
.png)
