---
title: "#missingcase | റിയാദിൽ കാണാതായ മലയാളിയെ കണ്ടെത്തി"
english_title: "#missing #Malayali #found #Riyadh"
publisher: "gccnews.in"
canonical_url: "https://gcc.truevisionnews.com/news/219698/missing-malayali-found-riyadh"
published_at: "2024-07-13T16:32:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66925efc52ace_soudi.jpg"
keywords: []
---

# #missingcase | റിയാദിൽ കാണാതായ മലയാളിയെ കണ്ടെത്തി

> **Lead Summary:** **റിയാദ്: ** രണ്ടാഴ്​ച മുമ്പ്​ റിയാദിൽ കാണാതായ മലയാളി യുവാവിനെ എയർപ്പോർട്ട്​ പരിസരത്ത്​ നിന്ന്​ മുഷിഞ്ഞ വേഷത്തിൽ കണ്ടെത്തി.

## Article Content

**റിയാദ്: ** രണ്ടാഴ്​ച മുമ്പ്​ റിയാദിൽ കാണാതായ മലയാളി യുവാവിനെ എയർപ്പോർട്ട്​ പരിസരത്ത്​ നിന്ന്​ മുഷിഞ്ഞ വേഷത്തിൽ കണ്ടെത്തി.

തിരുവനന്തപുരം സ്വദേശി സജികുമാറിനെ അന്വേഷിച്ച്​ കണ്ടെത്താൻ സഹായിച്ചത്​ റിയാദിലെ ഹെൽപ്​ ഡെസ്​ക്​ കൂട്ടായ്​മയാണ്​. കാണാനില്ലെന്ന വാർത്ത സോഷ്യൽ മീഡിയയിൽ ദിവസങ്ങളായി പ്രചരിച്ചിരുന്നു.

റിയാദിൽ ജോലി ചെയ്​തിരുന്ന സജികുമാറിനെ കുറിച്ച് രണ്ടാഴ്​ചയായി വിവരങ്ങളൊന്നും ഇല്ലെന്നും കണ്ടെത്താൻ ആവശ്യമായ നടപടികൾ സ്വീകരിക്കന്നമെന്നും ആവശ്യപ്പെട്ട്​ നാട്ടിൽനിന്ന്​ കുടുംബം റിയാദിലെ ഇന്ത്യൻ എംബസിയിലേക്ക്​ പരാതി അയച്ചിരുന്നു.

സാമൂഹിക പ്രവത്തകനായ ശിഹാബ് കൊട്ടുകാടും ‘ഹെൽപ്പ് ഡെസ്ക്’ കൂട്ടായ്‌മ അംഗങ്ങളും നടത്തിയ തിരച്ചിലിലാണ് സജി കുമാറിനെ കണ്ടെത്തിയത്. ഇന്ത്യക്കാരനെന്ന് സംശയിക്കുന്ന ഒരാൾ കുറെ ദിവസമായി റിയാദ്​ എയർപോർട്ട് പരിസരത്ത് അലഞ്ഞുതിരിയുന്നതായി എയർപോർട്ട് ഉദ്യോഗസ്ഥൻ ശിഹാബ് കൊട്ടുകാടിനെ അറിയിച്ചതിനെ തുടർന്ന് അന്വേഷണം അങ്ങോ​ട്ടേക്ക്​ വ്യാപിപ്പിക്കുകയായിരുന്നു.

ഒടുവിൽ എയർപോർട്ട് പരിസരത്ത് നിന്ന്​ തന്നെ ആളെ കണ്ടെത്തി. സമയത്ത് ഭക്ഷണവും ഉറക്കവും കിട്ടാത്തതിനാല്‍ ആരോഗ്യാവസ്ഥ മോശമായ സജികുമാറിന് ഭക്ഷണം നൽകി കുളിപ്പിച്ച് വസ്ത്രം മാറ്റിച്ചു ഇപ്പോൾ ഒരു ഹോട്ടലിൽ മുറിയെടുത്ത്​ താമസിപ്പിച്ചിരിക്കുകയാണ്.

യുവാവിനെ നാട്ടില്‍ എത്തിക്കുന്നതിന് വേണ്ടിയുള്ള നിയമനടപടികള്‍ ഇന്ത്യന്‍ എംബസിയുടെ സഹായത്തോടെ ആരംഭിച്ചിട്ടുണ്ട്. ജോലി ചെയ്യുന്ന കമ്പനിയുമായി സംസാരിച്ച് നടപടികൾ പെ​ട്ടെന്ന് പൂർത്തിയാക്കാനാലുള്ള ശ്രമമാണ് നടക്കുന്നത്.

ശിഹാബ് കൊട്ടുകാടി​െൻറ നേതൃത്വത്തിൽ റിയാദ് ഹെല്‍പ് ഡെസ്‌ക് പ്രവര്‍ത്തകരായ നൗഷാദ് ആലുവ, സലാം പെരുമ്പാവൂര്‍, അലി ആലുവ, ബഷീര്‍ കാരോളം എന്നിവർ നാട്ടിലെത്തിക്കുന്നതിനുള്ള ശ്രമങ്ങൾക്ക്​ രംഗത്തുണ്ട്.

### Related Links & Sources
- [Original Story Source](https://gcc.truevisionnews.com/news/219698/missing-malayali-found-riyadh)