---
title: "#missing | സലാല തീരത്ത്​ ഉരുമറിഞ്ഞ് യുവാവിനെ കാണാതായി; എട്ടുപേരെ രക്ഷിച്ചു "
english_title: "#Youngman #missing #drowning #Salalabeach #Eight #people #saved"
publisher: "gccnews.in"
canonical_url: "https://gcc.truevisionnews.com/news/221432/youngman-missing-drowning-salalabeach-eight-people-saved"
published_at: "2024-07-20T11:47:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/669b569c33cc5_try.jpg"
keywords: []
---

# #missing | സലാല തീരത്ത്​ ഉരുമറിഞ്ഞ് യുവാവിനെ കാണാതായി; എട്ടുപേരെ രക്ഷിച്ചു 

> **Lead Summary:** സ**ലാല: [** സലാല തീരത്ത്​ ഉരുമറിഞ്ഞ്​ ഒരു ഇന്ത്യക്കാരനെ കാണാതായി. എട്ടുപേരെ രക്ഷപ്പെടുത്തി. ഗുജറാത്ത്​ മാൻദവി കച്ചിലെ സാമിർ സുലൈമാനെയാണ് കാണാതായത്​.

## Article Content

സ**ലാല: [** സലാല തീരത്ത്​ ഉരുമറിഞ്ഞ്​ ഒരു ഇന്ത്യക്കാരനെ കാണാതായി. എട്ടുപേരെ രക്ഷപ്പെടുത്തി. ഗുജറാത്ത്​ മാൻദവി കച്ചിലെ സാമിർ സുലൈമാനെയാണ് കാണാതായത്​.

ഗുജറാത്ത്​ സ്വദേശികളായ ദൗദ്​ ഉമർ, അബ്​ദുൽ മനാഫ്​ സേലംമാട്​, യൂനുസ്​ അഹമ്മദ്​, ഇല്യാസ്​ സിദ്ദീഖ്​, അനീസ്​ ഇല്യാസ്​, മമ്​ദാ റാഫിഖ്​ ആദം, യൂനൂസ്​ അലിയാസ്​, മുസ്തക്​ ഹാജി ത്വയ്യിബ്​ എന്നിവരെയാണ്​ രക്ഷിച്ചത്​.

സെമാലിയയിലെ ബൊസാസൂവിൽനിന്ന്​ സലാലയിലേക്ക്​ വരികയായിരുന്ന ഉരുവാണ്​ പ്രതികൂല കാലാവസ്ഥയെ തുടർന്ന്​ അപകത്തിൽപ്പെടുന്നത്​.

എൻജിൻ മുറിയിൽ വെള്ളം കയറി മുങ്ങുകയായിരുന്നു. രക്ഷപ്പെടുത്തിയവരെ സലാല പോർട്ടിൽ എത്തിച്ചു. വേറെ ഒരു ബോട്ട്​ വന്നാണ്​ ഇവരെ രക്ഷിച്ചത്​.

സൊമാലിയ രജിസ്​ട്രേഷനുള്ള ഉരു ഗുജ്​റത്ത് സ്വദേശിയുടെ ഉടമസ്ഥതയിലുള്ളതാണ്​.

രക്ഷപ്പെടുത്തിയവരെ നാട്ടിലേക്ക്​ കൊണ്ടുപോകാനുള്ള ശ്രമം പുരോഗമിക്കുകയാണെന്ന്​ കോൺസുലാർ ഏജന്‍റ്​ ഡോ. കെ. സനാതനൻ അറിയിച്ചു. ഈ മാസം 12ന്​ ബൊസാസൂവിൽനിന്ന് പുറപ്പെട്ട കപ്പൽ 13ന്​ ആണ്​ അപകടത്തിൽപ്പെടുന്നത്​.

### Related Links & Sources
- [Original Story Source](https://gcc.truevisionnews.com/news/221432/youngman-missing-drowning-salalabeach-eight-people-saved)