കുവൈറ്റ് സിറ്റി: (gcc.truevisionnews.com) വാഹനത്തില്‍ കടത്തുകയായിരുന്ന മുതലയുമായി ഒരാള്‍ പിടിയില്‍. കുവൈറ്റിലാണ് സംഭവം. അല്‍-മുബാറക് ഏരിയയിലെ ആറാം റിംഗ് റോഡിന് എതിര്‍വശത്തുള്ള ചെക്ക്‌പോസ്റ്റില്‍ പരിശോധനയ്ക്കിടെയാണ് കുവൈറ്റ് പൗരന്‍ പിടിയിലായത്.
രാത്രിയിലെ വാഹനപരിശോധനയ്ക്കിടെയാണ് ഡ്രൈവർ പരിഭ്രാന്തനായി കാണപ്പെട്ടത്. തുടര്‍ന്ന് നടത്തിയ പരിശോധനയില്‍ പെട്ടിയിലാക്കിയ നിലയില്‍ മുതലയെ കണ്ടെത്തുകയായിരുന്നു. താന്‍ വളര്‍ത്തുന്ന മുതലയാണ് ഇതെന്നാണ് 30-കാരന്‍ പൊലീസിനോട് പറഞ്ഞത്.
ഇയാളെ കൂടുതല്‍ നടപടികള്‍ക്കായി ജനറല്‍ ഡിപ്പാര്‍ട്ട്‌മെന്റ് ഓഫ് എന്‍വയോണ്‍മെന്റിന് കൈമാറി.
#Driver panics during checkin finds crocodile vehicle Youth arrested Kuwait
