---
title: " ത​ലച്ചോറിൽ അണുബാധ; റിയാദിൽ മരിച്ച മലയാളിയുടെ മൃതദേഹം നാട്ടിലെത്തിച്ചു"
english_title: "Body of Malayali died Riyadh brought back home"
publisher: "gccnews.in"
canonical_url: "https://gcc.truevisionnews.com/news/289448/body-of-malayali-died-riyadh-brought-back-home"
published_at: "2025-05-11T20:58:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6820c2989437f_death.jpg"
keywords: []
---

#  ത​ലച്ചോറിൽ അണുബാധ; റിയാദിൽ മരിച്ച മലയാളിയുടെ മൃതദേഹം നാട്ടിലെത്തിച്ചു

> **Lead Summary:** **റിയാദ്​: **ത​ലച്ചോറിൽ അണുബാധയുണ്ടായും രക്തസമ്മർദ്ദം ഉയർന്നും റിയാദിൽ മരിച്ച മലയാളിയുടെ മൃതദേഹം നാട്ടിലെത്തിച്ചു. തിരുവനന്തപുരം ചിറയിൻകീഴ്​ തോട്ടക്കാട്​ ചെമ്മരുതി പനയറ ഗീത വിലാസത്തിൽ വേലുക്കുറിപ്പിന്‍റെ മകൻ സുരേഷ്​ (സലിം, 59) ഏപ്രിൽ 18നാണ്​ റിയാദ്​ ശുമൈസിയിലെ കിങ്​ സഊദ്​ ആശുപത്രിയിൽ മരിച്ചത്​. അതിന്​ 15 ദിവസം മുമ്പാണ്​ രക്തസമ്മർദ്ദം ഉയർന്ന്​ ആശുപത്രിയിൽ ​പ്രവേശിപ്പിച്ചത്​. തീവ്രപരിചരണത്തിലായിരുന്നു.

## Article Content

**റിയാദ്​: **ത​ലച്ചോറിൽ അണുബാധയുണ്ടായും രക്തസമ്മർദ്ദം ഉയർന്നും റിയാദിൽ മരിച്ച മലയാളിയുടെ മൃതദേഹം നാട്ടിലെത്തിച്ചു. തിരുവനന്തപുരം ചിറയിൻകീഴ്​ തോട്ടക്കാട്​ ചെമ്മരുതി പനയറ ഗീത വിലാസത്തിൽ വേലുക്കുറിപ്പിന്‍റെ മകൻ സുരേഷ്​ (സലിം, 59) ഏപ്രിൽ 18നാണ്​ റിയാദ്​ ശുമൈസിയിലെ കിങ്​ സഊദ്​ ആശുപത്രിയിൽ മരിച്ചത്​. അതിന്​ 15 ദിവസം മുമ്പാണ്​ രക്തസമ്മർദ്ദം ഉയർന്ന്​ ആശുപത്രിയിൽ ​പ്രവേശിപ്പിച്ചത്​. തീവ്രപരിചരണത്തിലായിരുന്നു.

റിയാദ്​ ന്യൂ ഇൻഡസ്​ട്രിയൽ സിറ്റിയിലെ ഒരു സ്വകാര്യ കമ്പനിയിൽ 15 വർഷമായി ജോലി ചെയ്യുകയായിരുന്നു. സൗദിയിൽ പ്രവാസിയായിട്ട്​ 23 വർഷമായി. റിയാദിൽനിന്ന്​ സൗദി എയർലൈൻസ്​ വിമാനത്തിൽ ജിദ്ദ വഴി കൊച്ചിയിൽ ഞായറാഴ്​ച രാവിലെ 10ഓടെയാണ് മൃതദേഹം എത്തിച്ചത്​. ബന്ധുക്കൾ കൊച്ചിയിലെത്തി മൃതദേഹം ഏറ്റുവാങ്ങി സ്വദേശത്തേക്ക്​ കൊണ്ടുപോയി.

ഭാര്യ: പ്രസന്നകുമാരി, മക്കൾ: ആദിഷ്​ സുരേഷ്​, ആനന്ദ്​ സുരേഷ്​. മരണാനന്തര നിയമനടപടികൾ പൂർത്തീകരിക്കാനും മൃതദേഹം നാട്ടിലയക്കാനുമുള്ള പ്രവർത്തനങ്ങൾക്ക്​ ഒ.ഐ.സി.സി സെൻട്രൽ കൗൺസിൽ അംഗം നാസർ കല്ലറ നേതൃത്വം നൽകി. സുരേഷി​ന്‍റെ കമ്പനിയിലെ സഹപ്രവർത്തകരായ വിപിൻ, സജി, മണി എന്നിവരും സഹായിക്കാൻ ഒപ്പമുണ്ടായിരുന്നു.

### Related Links & Sources
- [Original Story Source](https://gcc.truevisionnews.com/news/289448/body-of-malayali-died-riyadh-brought-back-home)