റിയാദ്: മക്കയിലെത്തി ഉംറ നിര്വഹിക്കാന് ഇനി അനുമതി ഹജ്ജ് തീര്ഥാടകര്ക്ക് മാത്രം. വെള്ളിയാഴ്ച (ജൂണ് 24, ദുല്ഖഅദ് 25) മുതല് ജൂലൈ 19 (ദുല്ഹജ്ജ് 20, ചൊവ്വാഴ്ച) വരെയാണ് മറ്റുള്ളവരുടെ ഉംറ വിലക്ക്.
ഹജ്ജ് തീര്ഥാടകര് അല്ലാത്തവര്ക്ക് ഉംറ അനുമതി പത്രം നല്കുന്നത് നിര്ത്തലാക്കിയതായി ഹജ്ജ് ഉംറ മന്ത്രാലയം അറിയിച്ചു. ജൂലൈ 20 മുതല് ഹജ്ജ് തീര്ഥാടകര് അല്ലാത്തവര്ക്ക് 'ഇഅ്തമന്നാ' ആപ്പ് വഴി വീണ്ടും ഉംറ അനുമതി പത്രത്തിനായി ബുക്ക് ചെയ്യാനാകും.
ഹജ്ജ് തീര്ഥാടകര്ക്ക് ഉംറ നടപടികള് എളുപ്പമാക്കാനും ഹറമിലെ തിരക്കൊഴിവാക്കാനുമാണ് തീരുമാനമെന്നും ഹജ്ജ് ഉംറ മന്ത്രാലയം പറഞ്ഞു.
Haj pilgrims will now be allowed to perform Umrah only.