മസ്‌കത്ത്: (gccnews.com) അടുത്ത രണ്ട് ദിവസങ്ങളിൽ രാജ്യത്ത് താപനില ഗണ്യമായി ഉയരാൻ സാധ്യതയുണ്ടെന്ന് ഒമാൻ കാലാവസ്ഥ നിരീക്ഷണ കേന്ദ്രം അറിയിച്ചു. അതുപോലെ ശരീരത്തിൽ ജലാംശം നിലനിർത്തണമെന്നും പുറത്തുള്ള ജോലികൾ പരിമിതപ്പെടുത്തണമെന്നും ചൂട് കൂടുതലുള്ള സമയങ്ങളിൽ മാറിനിൽക്കണമെന്നും കാലാവസ്ഥ നിരീക്ഷകർ നിവാസികളോട് പറഞ്ഞു .
കഴിഞ്ഞ 24 മണിക്കൂറിനിടെ ഏറ്റവും കൂടുതൽ താപനിലയാണ് ദിമ വത്തയ്യാൻ, അൽ-സുനൈന എന്നിവിടങ്ങളിൽ റിപ്പോർട്ട് ചെയ്തിരിക്കുന്നത് . 42.8 ഡിഗ്രി സെൽഷ്യസ് ആണ് ഇവിടെ രേഖപ്പെടുത്തിയ താപനില. ഏറ്റവും കുറഞ്ഞ താപനിലയാണ് സെയ്ഖ് സ്റ്റേഷനിൽ രേഖപ്പെടുത്തിയത്, 20.2 ഡിഗ്രി സെൽഷ്യസ്.
#Temperatures #rise #significantly #Muscat #Meteorological Center
