റിയാദ് : (gccnews.in ) 2024 ലെ ലോക സംഗീത മേളയും പുരസ്കാരനിശയും റിയാദിൽ നടക്കുമെന്ന് സൗദി മ്യൂസിക് അതോറിറ്റി അറിയിച്ചു. മ്യൂസിക് സിറ്റികളുടെ മേളയാണിത്. മധ്യപൗരസ്ത്യ മേഖലയിൽ ആദ്യമായാണ് ഈ പരിപാടി നടക്കുന്നത്.
നിരവധി നഗരങ്ങളുമായി മത്സരിച്ചാണ് ഈ പരിപാടിക്ക് ആതിഥ്യമരുളാൻ റിയാദ് നഗരത്തിന് അവസരം ലഭിച്ചതെന്നും അതോറിറ്റി പറഞ്ഞു.
2024 നവംബർ 14 മുതൽ 16 വരെ റിയാദ് ഇൻറർനാഷനൽ കൺവെൻഷൻ ആൻഡ് എക്‌സിബിഷൻ സെൻററിലാണ് പരിപാടികൾ നടക്കുക.
ലോകമെമ്പാടുമുള്ള നൂറിലധികം വിദഗ്ധർ സംഗീത വ്യവസായത്തിലെ വിവിധ വിഷയങ്ങൾ പ്രദർശിപ്പിക്കും. ഒക്ടോബർ മൂന്ന് മുതൽ നവംബർ 14 വരെ ആറ് ആഴ്ച കാലയളവിൽ റിയാദിലെ സൗദി മ്യൂസിക് സെൻറർ പഠന പരിപാടികൾ സംഘടിപ്പിക്കും.
പ്രാദേശിക, മേഖല തലത്തിലുള്ള 50-ലധികം പേർ അതിലുണ്ടാകും. സംഗീത നഗരങ്ങളുടെ സമ്മേളനത്തിലും അവാർഡുകളിലും സംഗീത മേഖലയെ സമ്പന്നമാക്കുന്ന നിരവധി പ്രവർത്തനങ്ങളും പരിപാടികളുമുണ്ടാകും.
#riyadh #2024 #WorldMusicFestival #AwardsNight #Riyadh
