---
title: "#death | മകളെ സന്ദർശിക്കാൻ സൗദിയിലെത്തിയ പിതാവ് മരിച്ചു; ആന്തരികാവയവങ്ങൾ ദാനം ചെയ്​തു"
english_title: "#Father #dies #SaudiArabia #visit #daughter #organs #donated"
publisher: "gccnews.in"
canonical_url: "https://gcc.truevisionnews.com/news/163924/father-dies-saudiarabia-visit-daughter-organs-donated"
published_at: "2023-11-21T12:00:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/655c4eaa1be03_death.jpg"
keywords: []
---

# #death | മകളെ സന്ദർശിക്കാൻ സൗദിയിലെത്തിയ പിതാവ് മരിച്ചു; ആന്തരികാവയവങ്ങൾ ദാനം ചെയ്​തു

> **Lead Summary:** **റിയാദ്​: **സന്ദർശന വിസയിൽ റിയാദിന്​ സമീപം അൽഖർജിലുള്ള മകളുടെ അടുത്തെത്തിയ മലയാളി ഹൃദയാഘാതം മൂലം മരിച്ചു.

## Article Content

**റിയാദ്​: **സന്ദർശന വിസയിൽ റിയാദിന്​ സമീപം അൽഖർജിലുള്ള മകളുടെ അടുത്തെത്തിയ മലയാളി ഹൃദയാഘാതം മൂലം മരിച്ചു.

കോട്ടയം മേവള്ളൂർ വെള്ളൂർ ചാമക്കാലയിൽ വീട്ടിൽ തച്ചേത്തുപറമ്പിൽ വർക്കി ജോസ്​ (61) ആണ്​ മരിച്ചത്​. അൽഖർജ്​ കിങ്​ ഖാലിദ്​ ആശുപത്രിയിൽ സ്​റ്റാഫ്​ നഴ്​സായ മകൾ പിങ്കിയുടെ അടുത്ത് എത്തിയതായിരുന്നു അദ്ദേഹം.

നാല്​ മാസം മുമ്പാണ് സന്ദർശന വിസയിൽ വർക്കി ജോസ്​ എത്തിയത്​. 20 ദിവസം മുമ്പ്​ മസ്​തിഷ്​കാഘാതമുണ്ടായതിനെ തുടർന്ന്​ കിങ്​ ഖാലിദ്​ ആശുപത്രിയിലെ അത്യാഹിത വിഭാഗത്തിൽ പ്രവേശിപ്പിച്ചിരിക്കുകയായിരുന്നു.

കഴിഞ്ഞ ദിവസമാണ്​ അന്ത്യം സംഭവിച്ചത്​. അദ്ദേഹത്തിന്റെ കുടുംബത്തിന്റെ സമ്മതപ്രകാരം ആന്തരികാവയവങ്ങൾ ദാനം ചെയ്​തു. വൃക്ക, കരൾ, നേത്രപടലം എന്നിവയാണ്​ മറ്റ്​ രോഗികൾക്ക്​ മാറ്റിവെച്ചത്​. നഴ്സായ മകൾ പിങ്കിയുടെ മാതൃകാപരമായ ഇടപെടലാണ് മൂന്ന്​ രോഗികൾക്ക്​​​ പുതുജീവൻ നൽകാനിടയാക്കിയത്​.

പിങ്കി ത​ന്റെ സഹോദരൻ ജിൻസ്​, മറ്റ്​ കുടുംബാംഗങ്ങൾ എന്നിവരുമായി ആലോചിച്ച്​ ഇതേ ആശുപത്രിയിൽ തന്നെ അവയവ ദാനം നടത്താനുള്ള സമ്മതപത്രത്തിൽ ഒപ്പിട്ട്​ നൽകുകയായിരുന്നു.

മേരിയാണ്​ വർക്കി ജോസിന്റെ ഭാര്യ. മക്കൾ: പിങ്കി (അൽഖർജ്​), ജിൻസ്​ (നിയോം, തബൂക്ക്​). മൃതദേഹം നാട്ടിലെത്തിക്കാനുള്ള നടപടിക്രമങ്ങൾ പുരോഗമിക്കുന്നു.

### Related Links & Sources
- [Original Story Source](https://gcc.truevisionnews.com/news/163924/father-dies-saudiarabia-visit-daughter-organs-donated)