---
title: "#Makkah | വേനലിൽ മക്കയിലും മദീനയിലും ജുമുഅ ഖുത്തുബയും നമസ്​കാരവും 15 മിനുട്ടായി ചുരുക്കും"
english_title: "#Jumuah #khutbah #prayer #shortened #minutes #Makkah #Madinah #summer"
publisher: "gccnews.in"
canonical_url: "https://gcc.truevisionnews.com/news/214106/jumuah-khutbah-prayer-shortened-minutes-makkah-madinah-summer"
published_at: "2024-06-22T19:52:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6676de3f8756e_tttt.jpg"
keywords: []
---

# #Makkah | വേനലിൽ മക്കയിലും മദീനയിലും ജുമുഅ ഖുത്തുബയും നമസ്​കാരവും 15 മിനുട്ടായി ചുരുക്കും

> **Lead Summary:** **മക്ക: [ **വേനൽക്കാലത്ത്​ മക്ക മസ്​ജിദുൽ ഹറാമിലും മദീന മസ്​ജിദുനബവിയിലും ജുമുഅ ഖുത്തുബയുടെയും നമസ്​കാരത്തി​ന്റെയും സമയദൈർഘ്യം കുറക്കാൻ സൗദി ഗവൺമെൻറ്​ നിർദേശം നൽകി.

## Article Content

**മക്ക: [ **വേനൽക്കാലത്ത്​ മക്ക മസ്​ജിദുൽ ഹറാമിലും മദീന മസ്​ജിദുനബവിയിലും ജുമുഅ ഖുത്തുബയുടെയും നമസ്​കാരത്തി​ന്റെയും സമയദൈർഘ്യം കുറക്കാൻ സൗദി ഗവൺമെൻറ്​ നിർദേശം നൽകി.

15 മിനുട്ടിനുള്ളിൽ ജുമുഅ ഖുത്തുബയും നമസ്​കാരവും പൂർത്തിയാക്കണം​. ജുമുഅ നമസ്​കാരത്തിനുള്ള ആദ്യത്തെ ബാങ്ക്​ വിളിയും വൈകിപ്പിക്കണം.

ആദ്യ ബാങ്കിനും രണ്ടാമത്തെ ബാങ്കിനുമിടയിലുള്ള സമയം 10​ ​​മിനുട്ടായി ചുരുക്കണം. വേനൽക്കാലം അവസാനിക്കും വരെ ഈ സമയക്രമമാണ്​ പാലിക്കേണ്ടത്​.

സമയദൈർഘ്യം കുറയ്ക്കുന്നതിനുമുള്ള നിർദേശം ഇരുഹറം മതകാര്യ മേധാവി ഡോ. അബ്​ദുറഹ്​മാൻ അൽസുദൈസ് സ്വാഗതം ചെയ്യുകയും തീരുമാനത്തെ അഭിനന്ദിക്കുകയും ചെയ്​തു.

തീർഥാടകരുടെ ആരോഗ്യത്തിനും സൗകര്യത്തിനും സുരക്ഷയ്ക്കും വേണ്ടിയുള്ള സൽമാൻ രാജാവി​ന്റെയും കിരീടാവകാശി അമീർ മുഹമ്മദ്​ ബിൻ സൽമാന്റെയും താൽപര്യമാണ്​ ഇതിന്​ പിന്നിൽ​.

മക്കയിലും മദീനയിലും ജുമുഅ നമസ്‌കാരത്തിന് സാക്ഷ്യം വഹിക്കുന്ന വിശ്വാസികൾക്ക് അതിന്​​ സൗകര്യമൊരുക്കുകയും ബുദ്ധിമുട്ടുകൾ ഇല്ലാതാക്കുകയും ചെയ്യുന്നതിനും ഇത്​ ഉപകരിക്കുമെന്നും അൽസുദൈസ്​ കൂട്ടിച്ചേർത്തു.

### Related Links & Sources
- [Original Story Source](https://gcc.truevisionnews.com/news/214106/jumuah-khutbah-prayer-shortened-minutes-makkah-madinah-summer)