---
title: "സൗദിയിൽ വാഹനങ്ങൾ കൂട്ടിയിടിച്ചു; പ്രവാസി മലയാളി യുവാവിനും സൗദി പൗരനും ദാരുണാന്ത്യം"
english_title: "#Vehicles #collided #Saudi #tragicend #expatriate #Malayali #youth #Saudicitizen"
publisher: "gccnews.in"
canonical_url: "https://gcc.truevisionnews.com/news/272295/vehicles-collided-saudi-tragicend-expatriate-malayali-youth-saudicitizen"
published_at: "2025-02-23T12:48:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/67bacc096b248_rt.jpg"
keywords: []
---

# സൗദിയിൽ വാഹനങ്ങൾ കൂട്ടിയിടിച്ചു; പ്രവാസി മലയാളി യുവാവിനും സൗദി പൗരനും ദാരുണാന്ത്യം

> **Lead Summary:** **ദമ്മാം: [ **സൗദി കിഴക്കൻ പ്രവിശ്യയിലെ ദമ്മാം-ഹുഫൂഫ് റോഡിലുണ്ടായ വാഹനാപകടത്തിൽ മലയാളി യുവാവും സൗദി പൗരനും​ മരിച്ചു. ശനിയാഴ്​ച വൈകീട്ടാണ്​ സംഭവം.

## Article Content

**ദമ്മാം: [ **സൗദി കിഴക്കൻ പ്രവിശ്യയിലെ ദമ്മാം-ഹുഫൂഫ് റോഡിലുണ്ടായ വാഹനാപകടത്തിൽ മലയാളി യുവാവും സൗദി പൗരനും​ മരിച്ചു. ശനിയാഴ്​ച വൈകീട്ടാണ്​ സംഭവം.

എതിർദിശകളിൽനിന്ന്​ വന്ന വാഹനങ്ങൾ കൂട്ടിയിടിച്ച അപകടത്തിൽ കായംകുളം ചേരാവള്ളി സെറീന മൻസിലിൽ അലിയാരുകുഞ്ഞ് - ആമിന ദമ്പതികളുടെ മകൻ ആഷിഖ് അലി (29) ആണ് മരിച്ചത്.

ട്രാൻസ്‌പോർ​ട്ടേഷൻ കമ്പനി ജീവനക്കാരനായിരുന്ന ആഷിഖ്​ അലി വാഹനമോടിക്കുമ്പോൾ എതിർദിശയിൽനിന്ന്​ വന്ന​ സൗദി പൗരൻ ഓടിച്ച വാഹനവുമായി കൂട്ടിയിടിക്കുകയായിരുന്നു. രണ്ടുപേരും സംഭവസ്ഥലത്ത്​ മരിച്ചു. കായംകുളം റിയാദ് പ്രവാസി അസോസിയേഷൻ (കൃപ)യുടെ പ്രസിഡൻറ്​ ഇസ്ഹാഖ് ലവ്ഷോറി​െൻറ സഹോദര പുത്രനാണ് മരിച്ച ആഷിഖ്​ അലി.

ഹാഷ്മിയാണ്​ ഭാര്യ. ഡോ. അഹ്​ന അലി ഏക സഹോദരി. അൽ അഹ്​സ കിങ്​ ഫഹദ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നാട്ടിലെത്തിക്കാൻ ഹനീഫ (നവോദയ), നാസർ മദനി (ഇസ്​ലാഹി സെൻറർ) എന്നിവർക്കൊപ്പം കൃപ ചെയർമാൻ മുജീബ് കായംകുളവും രംഗത്തുണ്ട്.

### Related Links & Sources
- [Original Story Source](https://gcc.truevisionnews.com/news/272295/vehicles-collided-saudi-tragicend-expatriate-malayali-youth-saudicitizen)