മസ്കറ്റ്: ഒമാനില് മസ്കറ്റിലെ ബീച്ചില് നിന്ന് 70 കിലോഗ്രാമിലേറെ കഞ്ചാവ് പിടിച്ചെടുത്തു. മസ്കറ്റ് ഗവര്ണറേറ്റിലെ ബീച്ചില് രണ്ട് നുഴഞ്ഞുകയറ്റക്കാര് എത്തിച്ച കഞ്ചാവാണ് പൊലീസ് പിടികൂടിയത്.
ലഹരിമരുന്ന് നിയന്ത്രണ വിഭാഗം അധികൃതര്, കോസ്റ്റ് ഗാര്ഡ് പൊലീസുമായി ചേര്ന്ന് നടത്തിയ ഓപ്പറേഷനില് രണ്ട് നുഴഞ്ഞുകയറ്റക്കാരെ ലഹരിമരുന്നുമായി പിടികൂടിയെന്ന് റോയല് ഒമാന് പൊലീസ് അറിയിച്ചു.
ബീച്ചില് 73 കിലോ കഞ്ചാവ് ഇറക്കാന് ശ്രമിക്കുന്നതിനിടെയാണ് ഇവര് അറസ്റ്റിലായത്. ഇവര്ക്കെതിരായ നിയമനടപടികള് പൂര്ത്തിയാക്കിയതായി റോയല് ഒമാന് പൊലീസ് വ്യക്തമാക്കി.
അബുദാബിയില് നാലു ദിവസത്തേക്ക് മഴയ്ക്ക് സാധ്യത; അറിയിപ്പുമായി അധികൃതര്
അബുദാബി: അബുദാബിയില് ഓഗസ്റ്റ് 14 ഞായറാഴ്ച മുതല് നാലു ദിവസത്തേക്ക് മഴയ്ക്ക് സാധ്യതയുണ്ടെന്ന് അറിയിപ്പ്. ഓഗസ്റ്റ് 18 വരെ നേരിയതോ ശക്തമായ മഴയോ ലഭിക്കാമെന്ന് അറിയിപ്പില് പറയുന്നു.
താപനിലയിലും കുറവ് വരും. പൊതുജനങ്ങള് ജാഗ്രത പുലര്ത്തണമെന്നും സുരക്ഷാ നിര്ദ്ദേശങ്ങള് പാലിക്കണമെന്നും അബുദാബി മീഡിയ ഓഫീസ് മുന്നറിയിപ്പ് നല്കി.
വാഹനയാത്രികര് വേഗപരിധി പാലിക്കണം. മഴയുള്ളപ്പോള് വെള്ളക്കെട്ട്, താഴ് വരകള്, കുളങ്ങള് എന്നിവയില് നിന്ന് അകലം പാലിക്കണമെന്നും പ്രസ്താവനയില് വ്യക്തമാക്കി.
നാല് ദിവസത്തേക്ക് മഴ പെയ്യുമെന്ന് പ്രവചിച്ചതോടെ അബുദാബി പൊലീസും ട്രാഫിക് മുന്നറിയിപ്പ് നല്കിയിട്ടുണ്ട്. യാത്രയ്ക്ക് മുമ്പ് വഹനത്തിന്റെ വിന്ഷീല്ഡ്, വൈപ്പറുകള്, ടയറുകള് എന്നിവ പരിശോധിക്കണം.
പകല് സമയത്തും മെച്ചപ്പെട്ട ദൂരക്കാഴ്ച ലഭിക്കുന്നതിനും മറ്റ് വാഹനയാത്രികരുടെ ശ്രദ്ധ ക്ഷണിക്കുന്നതിനും ഹെഡ്ലൈറ്റുകള് ഉപയോഗിക്കണം. മുമ്പുള്ള വാഹനങ്ങളുമായി വേണ്ട അകലം പാലിച്ചു വേണം വാഹനമോടിക്കാന്, റോഡില് പ്രദര്ശിപ്പിച്ചിട്ടുള്ള വേഗപരിധികളും മുന്നറിയിപ്പ് ബോര്ഡുകളും ശ്രദ്ധിച്ച് വാഹനമോടിക്കണം.
വെള്ളം നിറഞ്ഞ പ്രദേശത്ത് കൂടി വാഹനമോടിക്കരുത്, ഡ്രൈവിങിനിടെ മൊബൈല് ഫോണ് പോലെ ശ്രദ്ധ തിരിക്കുന്നവ ഉപയോഗിക്കരുത് എന്നിങ്ങനെയുള്ള സുരക്ഷാ നിയമങ്ങളാണ് പൊലീസ് ഓര്മ്മപ്പെടുത്തിയിട്ടുള്ളത്.
70 kg of cannabis seized from beach in Oman