---
title: "#dubai | ദുബൈ മെട്രോ ബ്ലൂലൈൻ പദ്ധതിക്ക്​ അംഗീകാരം"
english_title: "#dubai # Metro #BlueLine #project #approved"
publisher: "gccnews.in"
canonical_url: "https://gcc.truevisionnews.com/news/164917/dubai-metro-blueline-project-approved"
published_at: "2023-11-24T22:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6560ddb9161a6_dubai.jpg"
keywords: []
---

# #dubai | ദുബൈ മെട്രോ ബ്ലൂലൈൻ പദ്ധതിക്ക്​ അംഗീകാരം

> **Lead Summary:** **ദുബൈ : ** എമി​റേറ്റിലെ ഏറ്റവും വലുതും സുപ്രധാനവുമായ ഗതാഗത പദ്ധതിയായ മെട്രോ ബ്ലൂലൈൻ പദ്ധതിക്ക്​ അംഗീകാരം.

## Article Content

**ദുബൈ : ** എമി​റേറ്റിലെ ഏറ്റവും വലുതും സുപ്രധാനവുമായ ഗതാഗത പദ്ധതിയായ മെട്രോ ബ്ലൂലൈൻ പദ്ധതിക്ക്​ അംഗീകാരം.

യു.എ.ഇ വൈസ്​ പ്രസിഡന്റും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമാണ്​ വെള്ളിയാഴ്ച വൻ പദ്ധതിക്ക്​ അനുമതി നൽകിയത്​.നിലവിലുള്ള റെഡ്​, ഗ്രീൻ ലൈനുകളുമായി ബന്ധിപ്പിച്ച്​ നിർമിക്കുന്ന പാത 30 കി.മീറ്റർ നീളമുള്ളതാണ്​.

2029ൽ പ്രവർത്തന സജ്ജമാകുന്ന മെട്രോ ലൈൻ പൂർത്തിയാകുന്നതോടെ നഗരത്തിലെ ഗതാഗത മേഖലയിൽ വലിയ കുതിച്ചുചാട്ടമാണ്​ പ്രതീക്ഷിക്കുന്നത്​. പാതയുടെ നിർമാണത്തിന്​ 1800 കോടി ദിർഹം ചെലവ്​ വരുമെന്ന്​ ശൈഖ്​ മുഹമ്മദ്​ വ്യക്​തമാക്കി.

> ദുബൈ ക്രീക്ക്​ ഹാർബർ, ഫെസ്റ്റിവൽ സിറ്റി, ഗ്ലോബൽ വില്ലേജ്​, റാശിദിയ, വർഖ, മിർദിഫ്​, സിലി​ക്കൺ ഒയാസിസ്​, അക്കാദമിക്​ സിറ്റി തുടങ്ങിയ മേഖലകളിലൂടെ പാത കടന്നുപോകും. ബ്ലൂലൈനിൽ പ്രതിദിനം 3,20,000 പേർക്ക് യാത്ര ചെയ്യാനാവും. റെഡ് ലൈനുമായും(റാശിദിയ ഏരിയ), ഗ്രീൻ ലൈനുമായും(അൽ ഖോർ ഏരിയ) പുതിയ പാതയെ ബന്ധിപ്പിക്കും.",

### Related Links & Sources
- [Original Story Source](https://gcc.truevisionnews.com/news/164917/dubai-metro-blueline-project-approved)