---
title: "#founddead | മലയാളി ദമ്പതികൾ സൗദിയിൽ മരിച്ച നിലയിൽ"
english_title: "#Malayali #couple #found #dead #Saudi"
publisher: "gccnews.in"
canonical_url: "https://gcc.truevisionnews.com/news/249152/malayali-couple-found-dead-saudi"
published_at: "2024-11-13T22:08:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6734d63b4f3f6_gcc.jpg"
keywords: []
---

# #founddead | മലയാളി ദമ്പതികൾ സൗദിയിൽ മരിച്ച നിലയിൽ

> **Lead Summary:** ബുറൈദ​: മലയാളി ദമ്പതികളെ സൗദി അറേബ്യയിലെ താമസസ്ഥലത്ത്​ മരിച്ച നിലയിൽ കണ്ടെത്തി.

## Article Content

ബുറൈദ​: മലയാളി ദമ്പതികളെ സൗദി അറേബ്യയിലെ താമസസ്ഥലത്ത്​ മരിച്ച നിലയിൽ കണ്ടെത്തി.

അൽ ഖസീം പ്രവിശ്യയിലെ ബു​റൈദക്ക് സമീപം ഉനൈസയിൽ കൊല്ലം കടയ്ക്കൽ ചിതറ ഭജനമഠം പത്മവിലാസത്തിൽ ശരത് (40), ഭാര്യ കൊല്ലം സ്വദേശി പ്രീതി​ (32) എന്നിവരാണ് മരിച്ചത്.

ബുധനാഴ്ചയാണ്​ സംഭവം. ശരത്തിനെ മുറിയിൽ തൂങ്ങി മരിച്ച നിലയിലും പ്രീതിയെ തറയിൽ മരിച്ചുകിടക്കുന്ന നിലയിലുമാണ് കണ്ടെത്തിയത്.

ജോലിക്ക്​ എത്താത്തതിനെ തുടർന്ന് സ്പോൺസർ ഫോണിൽ ബന്ധപ്പെട്ടിട്ടും കിട്ടാതെ അന്വേഷിച്ച്​ ഫ്ലാറ്റിലെത്തുകയായിരുന്നു. പൂട്ടിയ നിലയിലായിരുന്ന ഫ്ലാറ്റിൽ തട്ടിവിളിച്ചിട്ടും മറുപടി ലഭിച്ചില്ല.

തുടർന്ന് പൊലീസ് സഹായത്തോടെ വാതിൽ തകർത്ത് അകത്ത് കയറി നോക്കുമ്പോഴാണ് ഇരുവരേയും മരിച്ച നിലയിൽ കണ്ടെത്തിയത്.

മൃതദേഹങ്ങൾ ബുറൈദ സെൻട്രൽ ആശുപത്രി മോർച്ചറിയിലേക്ക്​ മാറ്റി.

മരണ കാരണങ്ങളൊന്നും വ്യക്തമല്ല. ദീർഘകാലമായി ഉനൈസയിൽ ഇലക്​ട്രിക്​,​ പ്ലമ്പിങ്​ ജോലി ചെയ്​തിരുന്ന​ ശരത്​ നാലു വർഷം മുമ്പാണ് പ്രീതയെ വിവാഹം കഴിച്ചത്. രണ്ട് മാസം മുമ്പാണ് സൗദിയിലേക്ക് കൊണ്ടുവന്നത്. ശരത്തി​ന്റെ പിതാവ്​: മണി. 

### Related Links & Sources
- [Original Story Source](https://gcc.truevisionnews.com/news/249152/malayali-couple-found-dead-saudi)