റിയാദ്: ഹൃദയാഘാതം മൂലം തമിഴ്നാട് സ്വദേശി റിയാദിൽ മരിച്ചു. തമിഴ്നാട് അതിരാംപട്ടണം സ്വദേശി ഹാജ പക്കിർ (54) റിയാദ് ശുമൈസി ആശുപത്രിയിലാണ് മരിച്ചത്.
റിയാദ് സുലൈമാനിയയിലെ സ്വകാര്യ കമ്പനിയിൽ 10 വർഷമായി ഡ്രൈവറായി ജോലി ചെയ്യുകയായിരുന്നു.
പിതാവ്: നാഗുർ (പരേതൻ), മാതാവ്: താറോസ് ഖനി (പരേത), ഭാര്യ: അജ്മത് നിഷ, മക്കൾ: മുഹമ്മദ് നയിം, അക്സർ, ഹാഫിൽ.
മൃതദേഹം റിയാദിൽ ഖബറടക്കും. ഇതിനാവശ്യമായ നടപടിക്രമങ്ങൾ പൂർത്തീകരിക്കാനുള്ള പ്രവർത്തനങ്ങൾ റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ് ജനറൽ കൺവീനർ റിയാസ് തിരൂർക്കാട്, ഇസ്മാഈൽ സി.വി പടിക്കൽ എന്നിവർ നേതൃത്വം നൽകുന്നു.
#Driver #Saudi #expatriate #died #heartattack
