---
title: "യുഎഇയിൽ ഇന്ന് നേരിയ മഴയ്ക്കും സാധ്യത;  മേ​ഘാവൃതമായ അന്തരീക്ഷമായിരിക്കുമെന്ന്  മുന്നറിയിപ്പ്"
english_title: "#Light #rain #possible #UAE #today #Warning #cloudy #weather"
publisher: "gccnews.in"
canonical_url: "https://gcc.truevisionnews.com/news/274572/light-rain-possible-uae-today-warning-cloudy-weather"
published_at: "2025-03-05T11:42:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/67c7eb606b2f1_SKY.jpg"
keywords: []
---

# യുഎഇയിൽ ഇന്ന് നേരിയ മഴയ്ക്കും സാധ്യത;  മേ​ഘാവൃതമായ അന്തരീക്ഷമായിരിക്കുമെന്ന്  മുന്നറിയിപ്പ്

> **Lead Summary:** **ദുബൈ: **യുഎഇയിൽ ഇന്ന് മേ​ഘാവൃതമായ അന്തരീക്ഷമായിരിക്കുമെന്ന് ദേശീയ കാലാവസ്ഥ കേന്ദ്രം മുന്നറിയിപ്പ് നൽകി. തീരദേശ മേഖലകളിൽ പകൽ സമയത്ത് നേരിയ മഴ ലഭിക്കാനും സാധ്യതയുണ്ട്.

## Article Content

**ദുബൈ: **യുഎഇയിൽ ഇന്ന് മേ​ഘാവൃതമായ അന്തരീക്ഷമായിരിക്കുമെന്ന് ദേശീയ കാലാവസ്ഥ കേന്ദ്രം മുന്നറിയിപ്പ് നൽകി. തീരദേശ മേഖലകളിൽ പകൽ സമയത്ത് നേരിയ മഴ ലഭിക്കാനും സാധ്യതയുണ്ട്.

അൽ സില, അൽ വുഹൈദ, അൽ ദഫ്ര പ്രദേശങ്ങളിൽ ഇന്ന് രാവിലെ മഴ ലഭിച്ചിട്ടുണ്ട്. ഇന്ന് യുഎഇയിലെ മിക്ക ഭാ​ഗങ്ങളിലും മണിക്കൂറിൽ 40 കിലോമീറ്റർ വേ​ഗത്തിൽ വീശുന്ന കാറ്റുണ്ടാകുമെന്നും പൊടിപടലങ്ങൾ അന്തരീക്ഷത്തിൽ കലരാൻ സാധ്യതയുള്ളതായും കാലാവസ്ഥ കേന്ദ്രം അറിയിച്ചു.

തീരദേശ മേഖലകളിലെ ഏറ്റവും കൂടിയ താപനില 27 മുതൽ 30 ഡി​ഗ്രി സെൽഷ്യസ് വരെയും ഏറ്റവും കുറഞ്ഞ താപനില 14 മുതൽ 19 ​ഡി​ഗ്രി സെൽഷ്യസ് വരെയുമായിരിക്കും. അറേബ്യൻ ​ഗൾഫ് കടൽ പ്രക്ഷുബ്ദമാകാനുള്ള സാധ്യതയുണ്ടെന്നും മുന്നറിയിപ്പുണ്ട്.

### Related Links & Sources
- [Original Story Source](https://gcc.truevisionnews.com/news/274572/light-rain-possible-uae-today-warning-cloudy-weather)