---
title: "ഞെ​ട്ട​ലി​ൽ​നി​ന്ന് മോ​ചി​ത​മാ​കാ​തെ പ്ര​വാ​സി സ​മൂ​ഹം; ന​ഴ്‌​സ് ദ​മ്പ​തി​ക​ളു​ടെ മൃ​ത​ദേ​ഹം നാ​ട്ടി​ലേ​ക്ക് കൊ​ണ്ടു​പോ​കും"
english_title: "Expatriate community not free from pressure  Bodies nurse couple brought back home"
publisher: "gccnews.in"
canonical_url: "https://gcc.truevisionnews.com/news/287551/expatriate-community-not-free-from-pressure-bodies-nurse-couple-brought-back-home"
published_at: "2025-05-03T09:20:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6815929c392dc_7657.jpg"
keywords: []
---

# ഞെ​ട്ട​ലി​ൽ​നി​ന്ന് മോ​ചി​ത​മാ​കാ​തെ പ്ര​വാ​സി സ​മൂ​ഹം; ന​ഴ്‌​സ് ദ​മ്പ​തി​ക​ളു​ടെ മൃ​ത​ദേ​ഹം നാ​ട്ടി​ലേ​ക്ക് കൊ​ണ്ടു​പോ​കും

> **Lead Summary:** **കു​വൈ​ത്ത് സി​റ്റി: [** അ​ബ്ബാ​സി​യ​യി​ല്‍ മ​രി​ച്ച നി​ല​യി​ല്‍ ക​ണ്ടെ​ത്തി​യ ന​ഴ്‌​സ് ദ​മ്പ​തി​ക​ളു​ടെ മൃ​ത​ദേ​ഹം നാ​ട്ടി​ലേ​ക്ക് കൊ​ണ്ടു​പോ​കും. ഇ​തി​നാ​യു​ള്ള ന​ട​പ​ടി​ക​ൾ ന​ട​ന്നു​വ​രി​ക​യാ​ണ്. വ്യാ​ഴാ​ഴ്ച രാ​വി​ലെ​യാ​ണ് കണ്ണൂർ ഇരിട്ടി നടുവിൽ സൂരജ് , ഭാര്യ എറണാകുളം മഴുവന്നൂർ പഞ്ചായത്തിലൂള്ള മണ്ണൂരിൽ കൂഴൂർ കട്ടക്കയത്ത് വീട്ടിൽ കെ.എ.തോമസിന്റെയും അന്നമ്മയുടെയും മകൾ ബിൻസി എ​ന്നി​വ​രെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

## Article Content

**കു​വൈ​ത്ത് സി​റ്റി: [** അ​ബ്ബാ​സി​യ​യി​ല്‍ മ​രി​ച്ച നി​ല​യി​ല്‍ ക​ണ്ടെ​ത്തി​യ ന​ഴ്‌​സ് ദ​മ്പ​തി​ക​ളു​ടെ മൃ​ത​ദേ​ഹം നാ​ട്ടി​ലേ​ക്ക് കൊ​ണ്ടു​പോ​കും. ഇ​തി​നാ​യു​ള്ള ന​ട​പ​ടി​ക​ൾ ന​ട​ന്നു​വ​രി​ക​യാ​ണ്. വ്യാ​ഴാ​ഴ്ച രാ​വി​ലെ​യാ​ണ് കണ്ണൂർ ഇരിട്ടി നടുവിൽ സൂരജ് , ഭാര്യ എറണാകുളം മഴുവന്നൂർ പഞ്ചായത്തിലൂള്ള മണ്ണൂരിൽ കൂഴൂർ കട്ടക്കയത്ത് വീട്ടിൽ കെ.എ.തോമസിന്റെയും അന്നമ്മയുടെയും മകൾ ബിൻസി എ​ന്നി​വ​രെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

അ​ബ്ബാ​സി​യ​യി​ലെ ഇ​വ​രു​ടെ ഫ്ലാ​റ്റി​ലാ​ണ് മൃ​ത​ദേ​ഹ​ങ്ങ​ൾ ക​ണ്ടെ​ത്തി​യ​ത്. സൂ​ര​ജ് സു​ർ​റ ജാ​ബി​ർ അ​ൽ അ​ഹ​മ്മ​ദ് ആ​ശു​പ​ത്രി​യി​ൽ ഐ.​സി.​യു യൂ​നി​റ്റി​ലും ബി​ൻ​സി സ​ബ്ഹാ​ൻ ജാ​ബി​ർ അ​ൽ അ​ഹ​മ്മ​ദ് സൈ​നി​ക ആ​ശു​പ​ത്രി​യി​ലും ജോ​ലി​ചെ​യ്തു​വ​രി​ക​യാ​യി​രു​ന്നു. സം​ഭ​വ​ത്തി​ന് പി​ന്നി​ലെ കാ​ര​ണം വ്യ​ക്ത​മ​ല്ല. മ​ര​ണ​ത്തി​ലേ​ക്ക് ന​യി​ച്ച സാ​ഹ​ച​ര്യ​ങ്ങ​ൾ സം​ബ​ന്ധിച്ച് പൊ​ലീ​സ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.

ബി​ന്‍സി​യെ കൊ​ല​പ്പെ​ടു​ത്തി​യ ശേ​ഷം സൂ​ര​ജ് ആ​ത്മ​ഹ​ത്യ ചെ​യ്‍തു​വെ​ന്നാ​ണ് പ്രാ​ഥ​മി​ക നി​ഗ​മ​നം. ദ​മ്പ​തി​ക​ള്‍ ത​മ്മി​ല്‍ വ​ഴ​ക്കു ന​ട​ന്ന ശ​ബ്ദം കേ​ട്ട​താ​യി അ​യ​ല്‍വാ​സി​ക​ള്‍ പ​റ​ഞ്ഞു. സം​ഭ​വം അ​റി​ഞ്ഞ് സം​ഭ​വ​സ്ഥ​ല​ത്തെ​ത്തി​യ പൊ​ലീ​സി​ന് വാ​തി​ല്‍ തു​റ​ക്കാ​നാ​യി​ല്ല.​ പ്രോ​സി​ക്യൂ​ട്ട​റു​ടെ അ​നു​മ​തി​യോ​ടെ വാ​തി​ല്‍ ത​ക​ർ​ത്താ​ണ് പൊ​ലീ​സ് അ​ക​ത്തു ക​ട​ന്ന​ത്. തു​ട​ർ​ന്ന് ര​ണ്ടു പേ​രെ​യും മ​രി​ച്ച നി​ല​യി​ല്‍ ക​ണ്ടെ​ത്തു​ക​യാ​യി​രു​ന്നു.

പ​ബ്ലി​ക് പ്രോ​സി​ക്യൂ​ട്ട​റും ഫോ​റ​ന്‍സി​ക് സം​ഘ​വും സ​ഥ​ല​ത്ത് എ​ത്തി തെ​ളി​വു​ക​ള്‍ ശേ​ഖ​രി​ച്ചു. തു​ട​ർ​ന്ന് മൃ​ത​ദേ​ഹ​ങ്ങ​ൾ കൂ​ടു​ത​ൽ പ​രി​ശോ​ധ​ന​ക്കാ​യി ഫോ​റ​ൻ​സി​ക് മെ​ഡി​സി​ൻ വി​ഭാ​ഗ​ത്തി​ലേ​ക്ക് മാ​റ്റി. മൃ​തദേ​ഹ​ങ്ങ​ള്‍ ഫോ​റ​ന്‍സി​ക് പ​രി​ശോ​ധ​ന​ക്കു​ശേ​ഷം നാ​ട്ടി​ലേ​ക്ക് കൊ​ണ്ടു​പോ​കും.

ആ​സ്ട്രേ​ലി​യ​യി​ലേ​ക്ക് കു​ടി​യേ​റാ​നാ​യു​ള്ള ത​യാ​റെ​ടു​പ്പി​ലാ​യി​രു​ന്നു ദ​മ്പ​തി​ക​ള്‍ എ​ന്നും റി​പ്പോ​ർ​ട്ടു​ണ്ട്. ഇ​വ​രു​ടെ ര​ണ്ടു​ മ​ക്ക​ളെ നാ​ട്ടി​ൽ കു​ടും​ബാം​ഗ​ങ്ങ​ളു​ടെ അ​ടു​ത്താ​ക്കി അ​ടു​ത്തി​ടെ​യാ​ണ് ഇ​രു​വ​രും കു​വൈ​ത്തി​ലേ​ക്ക് തി​രി​ച്ചെ​ത്തി​യ​ത്. സം​ഭ​വ​ത്തി​ന്റെ ഞെ​ട്ട​ലി​ലാ​ണ് മ​ല​യാ​ളി​ക​ൾ അ​ട​ക്ക​മു​ള്ള പ്ര​വാ​സി സ​മൂ​ഹം.

### Related Links & Sources
- [Original Story Source](https://gcc.truevisionnews.com/news/287551/expatriate-community-not-free-from-pressure-bodies-nurse-couple-brought-back-home)