---
title: "ഹജ്ജ്​ തീർഥാടകരുടെ താമസത്തിന്​ 4,28,000 മുറികൾ; 18 ലക്ഷം തീർഥാടകർക്ക് പാർപ്പിട സൗകര്യമായി"
english_title: " rooms for Hajj pilgrims eighteen lakh pilgrims accommodated"
publisher: "gccnews.in"
canonical_url: "https://gcc.truevisionnews.com/news/287722/rooms-for-hajj-pilgrims-eighteen-lakh-pilgrims-accommodated"
published_at: "2025-05-03T21:04:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/681637a910312_gfg6.jpg"
keywords: []
---

# ഹജ്ജ്​ തീർഥാടകരുടെ താമസത്തിന്​ 4,28,000 മുറികൾ; 18 ലക്ഷം തീർഥാടകർക്ക് പാർപ്പിട സൗകര്യമായി

> **Lead Summary:** **മക്ക: [** ഹജ്ജ്​ തീർഥാടകരുടെ താമസത്തിന്​ മക്കയിൽ തയാറാക്കിയിരിക്കുന്നത്​ 4,28,000 മുറികൾ. 18 ലക്ഷം തീർഥാടകരെ ഉൾക്കൊള്ളാൻ ഈ സൗകര്യങ്ങൾക്കാവും. തീർഥാടകരുടെ താമസത്തിന്​ 76 ലക്ഷം ചതുരശ്ര മീറ്റർ പരിധിക്കുള്ളിൽ 3,149 ഭവനങ്ങൾക്കാണ്​ പെർമിറ്റ്​ നൽകിയതെന്നും മക്ക മുനിസിപ്പാലിറ്റി വ്യക്തമാക്കി.

## Article Content

**മക്ക: [** ഹജ്ജ്​ തീർഥാടകരുടെ താമസത്തിന്​ മക്കയിൽ തയാറാക്കിയിരിക്കുന്നത്​ 4,28,000 മുറികൾ. 18 ലക്ഷം തീർഥാടകരെ ഉൾക്കൊള്ളാൻ ഈ സൗകര്യങ്ങൾക്കാവും. തീർഥാടകരുടെ താമസത്തിന്​ 76 ലക്ഷം ചതുരശ്ര മീറ്റർ പരിധിക്കുള്ളിൽ 3,149 ഭവനങ്ങൾക്കാണ്​ പെർമിറ്റ്​ നൽകിയതെന്നും മക്ക മുനിസിപ്പാലിറ്റി വ്യക്തമാക്കി.

ആവശ്യമായ എല്ലാ നിബന്ധനകളും പൂർത്തിയാക്കിയ ശേഷം തീർഥാടകർക്ക്​ സുരക്ഷിതവും സുഖപ്രദവുമായ താമസ അന്തരീക്ഷം പ്രദാനം ചെയ്യുന്നതിനുള്ള നിരന്തര ശ്രമങ്ങളുടെ ഭാഗമാണിത്. കർശനമായ നിയന്ത്രണ സംവിധാനങ്ങൾ നടപ്പാക്കുന്നതിലൂടെയും അംഗീകൃത നിബന്ധനകൾ പാലിക്കുന്നതിലൂടെയും തീർഥാടകരുടെ താമസം ഏറ്റവും ഉയർന്ന നിലവാരത്തിലാക്കാനുള്ള ദൗത്യത്തി​ന്റെ ചട്ടക്കൂടിനുള്ളിലാണ് ഈ നടപടിയെന്ന് മുനിസിപ്പൽ അധികൃതർ പറഞ്ഞു.

ജീവിത നിലവാരം ഉയർത്തുന്നതിനും ഹജ്ജ് പരിസ്ഥിതി മെച്ചപ്പെടുത്തുന്നതിനും സുരക്ഷയുടെയും സുഖസൗകര്യങ്ങളുടെയും ഉയർന്ന നിലവാരം പാലിക്കുന്നതിലൂടെ ഭവനങ്ങളുടെ ഗുണനിലവാരം ഉയർത്തുന്നതിനും വേണ്ടിയാണിതെന്നും അധികൃതർ കൂട്ടിച്ചേർത്തു.

### Related Links & Sources
- [Original Story Source](https://gcc.truevisionnews.com/news/287722/rooms-for-hajj-pilgrims-eighteen-lakh-pilgrims-accommodated)