അബൂദബി: (gccnews.in) മുസഫ വ്യവസായ മേഖലയില്‍ കെട്ടിട നിര്‍മാണ സാമഗ്രികള്‍ വില്‍ക്കുന്ന ഷോപ്പിനു തീപിടിച്ച് വന്‍ നാശനഷ്ടം.
ചൊവ്വാഴ്ച ഉച്ചയോടെയാണ് അപകടമുണ്ടായത്. മണിക്കൂറുകളോളം കഠിനപ്രയത്‌നം നടത്തിയാണ് അബൂദബി പൊലീസ്, സിവില്‍ ഡിഫന്‍സ് അതോറിറ്റി അധികൃതര്‍ തീ കെടുത്തിയത്.
ഈ ഭാഗത്തുള്ള മറ്റ് ഷോപ്പുകള്‍ക്കും കേടുപാടുകള്‍ സംഭവിച്ചിട്ടുണ്ട്. വന്‍ നാശനഷ്ടമുണ്ടായതായാണ് വിലയിരുത്തല്‍.
സംഭവത്തിൽ ആർക്കും പരിക്കേറ്റതായി റിപ്പോർട്ടില്ല. പരിസരത്തുനിന്ന് ആളുകളെ ഒഴിപ്പിച്ചിട്ടുണ്ട്.
സുരക്ഷ ഉറപ്പുവരുത്തിയ ശേഷമേ പൂര്‍ണ സ്ഥിതിയില്‍ ഈ ഭാഗം തുറന്നുകൊടുക്കുകയുള്ളൂ.
#building #AbuDhabi #badly #damaged #fire
