---
title: "#kuwaitbuildingfire | കുവൈത്തിലെ തീപിടിത്തത്തില്‍ മരിച്ചവരില്‍ 25 മലയാളികൾ; ഒരാളെ തിരിച്ചറിഞ്ഞു"
english_title: "#Among #25 #Malayalis #who #died #fire #Kuwait #one #has #been #identified"
publisher: "gccnews.in"
canonical_url: "https://gcc.truevisionnews.com/news/211713/among-25-malayalis-who-died-fire-kuwait-one-has-been-identified"
published_at: "2024-06-12T18:11:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/666997953626c_kollam.jpg"
keywords: []
---

# #kuwaitbuildingfire | കുവൈത്തിലെ തീപിടിത്തത്തില്‍ മരിച്ചവരില്‍ 25 മലയാളികൾ; ഒരാളെ തിരിച്ചറിഞ്ഞു

> **Lead Summary:** **കുവൈത്ത് സിറ്റി : **കുവൈത്തിലെ മംഗെഫിൽ ഫ്ലാറ്റ് സമുച്ചയത്തിലുണ്ടായ തീപിടിത്തത്തിൽ 25 മലയാളികൾ മരിച്ചു. ഇതിലുൾപ്പെട്ട കൊല്ലം ഓയൂർ സ്വദേശി ഉമറുദ്ദീൻ ഷമീറിനെ തിരിച്ചറിഞ്ഞു.

## Article Content

**കുവൈത്ത് സിറ്റി : **കുവൈത്തിലെ മംഗെഫിൽ ഫ്ലാറ്റ് സമുച്ചയത്തിലുണ്ടായ തീപിടിത്തത്തിൽ 25 മലയാളികൾ മരിച്ചു. ഇതിലുൾപ്പെട്ട കൊല്ലം ഓയൂർ സ്വദേശി ഉമറുദ്ദീൻ ഷമീറിനെ തിരിച്ചറിഞ്ഞു.

തീപിടിത്തത്തിൽ ഇതുവരെ 49 പേർ മരിച്ചതായാണ് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നത്. അപകടത്തിൽ അൻപതിലേറെപ്പേർക്കു പരുക്കുണ്ട്. ഇതിൽ‌ 7 പേരുടെ നില ഗുരുതരമാണ്. മരണസംഖ്യ കൂടിയേക്കാം.

മരിച്ച 49 പേരിൽ 21 പേരുടെ വിവരങ്ങൾ ലഭ്യമായി.

1. ഷിബു വർഗീസ് 2 തോമസ് ജോസഫ് 3.പ്രവീൺ മാധവ് സിംഗ് 4.ഷമീർ 5. ലൂക്കോസ് വടക്കോട്ട് ഉണ്ണുണ്ണി 6 ഭുനാഫ് റിച്ചാർഡ് റോയ് ആനന്ദ 7.കേളു പൊന്മലേരി 8 സ്റ്റീഫിൻ എബ്രഹാം സാബു 9 അനിൽ ഗിരി 10.മുഹമ്മദ് ഷെരീഫ് ഷെരീഫ 11.സാജു വർഗീസ് 12. ദ്വാരികേഷ് പട്ടനായക് 13 മുരളീധരൻ പി.വി 14 വിശ്വാസ് കൃഷ്ണൻ 15 അരുൺ ബാബു 16സാജൻ ജോർജ് 17 രഞ്ജിത്ത് കുണ്ടടുക്കം 18. റെയ്മണ്ട് മഗ്പന്തയ് ഗഹോൽ 19.ജീസസ് ഒലിവറോസ് ലോപ്സ് 20 ആകാശ് ശശിധരൻ നായർ 21 ഡെന്നി ബേബി കരുണാകരൻ എന്നിവരാണ് മരിച്ചത്.

തീപിടിത്തമുണ്ടായത് മലയാളിയുടെ ഉടമസ്ഥതയിലുള്ള കമ്പനിയിലെ ജീവനക്കാർ താമസിച്ച ഫ്ലാറ്റിലാണ്. മാംഗെഫിൽ എൻബിടിസി കമ്പനിയുടെ നാലാം നമ്പർ ക്യാംപിലാണ് അഗ്നിബാധയുണ്ടായത്. പുലർച്ചെ നാലിനാണ് തീപിടിത്തമുണ്ടായത്.

മുഴുവൻ പേരും ഉറക്കത്തിലായിരുന്നപ്പോഴാണ് തീ പടര്‍ന്നു പിടിച്ചത്. 20 ഗ്യാസ് സിലിണ്ടറുകൾ പൊട്ടിത്തെറിച്ചത് അപകടത്തിന്റെ വ്യാപ്തി കൂട്ടി. രക്ഷപ്പെടാൻ ഉള്ള വ്യഗ്രതയിൽ തിക്കും തിരക്കും ഉണ്ടായി.

രക്ഷപ്പെടാനായി കെട്ടിടത്തിനു പുറത്തേക്ക് ചാടി നട്ടെല്ലിന് പരിക്ക് പറ്റിയ നിരവധി പേർ ചികിത്സയിലാണ്. അഞ്ച് ഫയർ ഫോഴ്‌സ് ഉദ്യോഗസ്ഥർക്കും പരിക്കേറ്റു. അൽ അദാൻ ആശുപത്രിയിൽ 30 ഇന്ത്യക്കാർ ചികിത്സയിലുണ്ട്.

അൽ കബീർ ആശുപത്രിയിൽ ചികിത്സയിലുള്ളത് 11 പേരാണ്. 10 പേരെ ഇന്ന് ഡിസ്ചാർജ് ചെയ്യും. ഫർവാനിയ ആശുപത്രിയിൽ 6 പേർ ചികിത്സയിലുണ്ട്. 4 പേരെ ഡിസ്ചാർജ് ചെയ്‌തു. പരിക്ക് പറ്റി ചികിത്സയിൽ ഉള്ളവർ മിക്കവരും ഇന്ത്യക്കാരാണ്. മുഴുവൻ സഹായവും നൽകുമെന്ന് അംബാസഡര്‍ അറിയിച്ചു.

### Related Links & Sources
- [Original Story Source](https://gcc.truevisionnews.com/news/211713/among-25-malayalis-who-died-fire-kuwait-one-has-been-identified)