---
title: "#abdulrahim |  അബ്​ദുൽ റഹീമി​ന്‍റെ മോചനം; വിധി പറയുന്നത് വീണ്ടും നീട്ടി, സിറ്റിങ് മാറ്റിയത് സാങ്കേതിക കാരണങ്ങൾ മൂലം"
english_title: "#Release #AbdulRahim #Sentencing #adjourned #again #sitting #adjourned #due #technical #reasons"
publisher: "gccnews.in"
canonical_url: "https://gcc.truevisionnews.com/news/255723/release-abdulrahim-sentencing-adjourned-again-sitting-adjourned-due-technical-reasons-new"
published_at: "2024-12-12T15:40:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/675ab6cd12341_abdul.jpg"
keywords: []
---

# #abdulrahim |  അബ്​ദുൽ റഹീമി​ന്‍റെ മോചനം; വിധി പറയുന്നത് വീണ്ടും നീട്ടി, സിറ്റിങ് മാറ്റിയത് സാങ്കേതിക കാരണങ്ങൾ മൂലം

> **Lead Summary:** **റിയാദ്: ** സൗദി അറേബ്യയിലെ റിയാദില്‍ ജയിലില്‍ കഴിയുന്ന കോഴിക്കോട് ഫറോക്ക് കോടമ്പുഴ സ്വദേശി മച്ചിലകത്ത്​ അബ്​ദുൽ റഹീമി​ന്‍റെ മോചന കേസില്‍ വിധി പറയുന്നത് വീണ്ടും നീട്ടി.

## Article Content

**റിയാദ്: ** സൗദി അറേബ്യയിലെ റിയാദില്‍ ജയിലില്‍ കഴിയുന്ന കോഴിക്കോട് ഫറോക്ക് കോടമ്പുഴ സ്വദേശി മച്ചിലകത്ത്​ അബ്​ദുൽ റഹീമി​ന്‍റെ മോചന കേസില്‍ വിധി പറയുന്നത് വീണ്ടും നീട്ടി.

സാങ്കേതിക കാരണങ്ങള്‍ കൊണ്ടാണ് കോടതി ഇന്നത്തെ സിറ്റിംഗ് മാറ്റിയത്.

അതേസമയം റഹീമിന്‍റെ കേസുമായി ബന്ധപ്പെട്ട് തടസ്സങ്ങള്‍ ഉള്ളത് കൊണ്ടല്ല സിറ്റിങ് നീട്ടിയതെന്നും മറിച്ച് റിയാദ് കോടതിയിലുണ്ടായ സാങ്കേതിക കാരണങ്ങളാണ് ഇതിലേക്ക് നയിച്ചതെന്നും റഹീം നിയമസഹായ സമിതി ഭാരവാഹികള്‍ അറിയിച്ചു.

ഓണ്‍ലൈന്‍ വഴിയാണ് കോടതി ചേര്‍ന്നത്. ഇന്ന് ലിസ്റ്റ് ചെയ്ത ഒരു കേസും പരിഗണിച്ചില്ല. അടുത്ത ദിവസം തന്നെ മറ്റൊരു തീയതി പ്രതീക്ഷിച്ചിക്കുന്നതായും ഭാരവാഹികള്‍ പറഞ്ഞു.

### Related Links & Sources
- [Original Story Source](https://gcc.truevisionnews.com/news/255723/release-abdulrahim-sentencing-adjourned-again-sitting-adjourned-due-technical-reasons-new)