---
title: "എസ്എസ്എൽസി പരീക്ഷയിൽ ഗൾഫിലെ സ്കൂളുകൾക്ക് വിജയത്തിളക്കം"
english_title: "Schools  Gulf shine brightly SSLC exams"
publisher: "gccnews.in"
canonical_url: "https://gcc.truevisionnews.com/news/289246/schools-gulf-shine-brightly-sslc-exams"
published_at: "2025-05-10T17:00:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/681f3910f2f65_uae.jpg"
keywords: []
---

# എസ്എസ്എൽസി പരീക്ഷയിൽ ഗൾഫിലെ സ്കൂളുകൾക്ക് വിജയത്തിളക്കം

> **Lead Summary:** **അബുദാബി : **എസ്എസ്എൽസി പരീക്ഷയിൽ ഗൾഫിലെ സ്കൂളുകൾക്ക് മികച്ച വിജയം. 7 പരീക്ഷാ കേന്ദ്രങ്ങളിൽ 3 സ്കൂളുകൾക്കു 100 മേനി വിജയം. പരീക്ഷ എഴുതിയ 685 പേരിൽ 677 പേർ ഉന്നത വിദ്യാഭ്യാസത്തിന് അർഹത നേടി. വിജയം 98.83%. മൊത്തം 94 വിദ്യാർഥികൾക്ക് എല്ലാ വിഷയങ്ങളിലും എ പ്ലസ് ലഭിച്ചു.

## Article Content

**അബുദാബി : **എസ്എസ്എൽസി പരീക്ഷയിൽ ഗൾഫിലെ സ്കൂളുകൾക്ക് മികച്ച വിജയം. 7 പരീക്ഷാ കേന്ദ്രങ്ങളിൽ 3 സ്കൂളുകൾക്കു 100 മേനി വിജയം. പരീക്ഷ എഴുതിയ 685 പേരിൽ 677 പേർ ഉന്നത വിദ്യാഭ്യാസത്തിന് അർഹത നേടി. വിജയം 98.83%. മൊത്തം 94 വിദ്യാർഥികൾക്ക് എല്ലാ വിഷയങ്ങളിലും എ പ്ലസ് ലഭിച്ചു.

യുഎഇയിൽ ഏറ്റവും കൂടുതൽ പേർ (189) പരീക്ഷയെഴുതി, 100 ശതമാനം വിജയം നേടി അബുദാബി ദ് മോഡൽ പ്രൈവറ്റ് സ്കൂൾ മികച്ച പ്രകടനം കാഴ്ചവച്ചു. 62 വിദ്യാർഥികൾക്ക് എല്ലാ വിഷയങ്ങളിലും എ പ്ലസ് ലഭിച്ചു. ഷാർജ ന്യൂ ഇന്ത്യൻ മോഡൽ സ്കൂളിനും 100 ശതമാനം വിജയമുണ്ട്. ഇതിൽ 6 വിദ്യാർഥികൾക്ക് എല്ലാ വിഷയങ്ങളിലും എ പ്ലസ് ഉണ്ട്.

ഫുജൈറ ഇന്ത്യൻ സ്കൂളിലും പരീക്ഷ എഴുതിയ 89 പേരും വിജയിച്ചു. 12 വിദ്യാർഥികൾക്ക് എല്ലാ വിഷയങ്ങളിലും എ പ്ലസ് ലഭിച്ചു. ദുബായ് ന്യൂ ഇന്ത്യൻ മോഡൽ സ്കൂളിൽ പരീക്ഷ എഴുതിയ 132ൽ 131 പേർ ഉന്നത വിദ്യാഭ്യാസത്തിന് അർഹത നേടി. 9 വിദ്യാർഥികൾക്ക് എല്ലാ വിഷയങ്ങളിലും എ പ്ലസ് ഉണ്ട്.

### Related Links & Sources
- [Original Story Source](https://gcc.truevisionnews.com/news/289246/schools-gulf-shine-brightly-sslc-exams)