ഉംറ കഴിഞ്ഞ്​ മടങ്ങിയ മലയാളി കുടുംബങ്ങളുടെ കാർ മറിഞ്ഞ്​ രണ്ട്​ മരണം

റിയാദ്​: ഉംറ കഴിഞ്ഞ്​ മടങ്ങുകയായിരുന്ന രണ്ട്​ മലയാളി കുടുംബങ്ങള്‍ വാഹനാപകടത്തിൽ പെട്ട്​ രണ്ട്​ മരണം.

മാഹി സ്വദേശി ഷമീം മുസ്​തഫ (40), ഷമീമിന്റെ സുഹൃത്തും നാട്ടുകാരനുമായ അമീ​നിന്റെ മകൻ അർഹാം (നാല്​) എന്നിവരാണ്​ മരിച്ചത്​. ഷമീമിന്റെ ഭാര്യ അഷ്​മില, അമീനിന്റെ ഭാര്യ ഷാനിബ എന്നിവർക്ക്​ പരിക്കേറ്റു.

ഷമീമിന്റെ മക്കളായ അയാൻ, സാറ എന്നിവരും വാഹനത്തിലുണ്ടായിരുന്നു. ഇവർക്ക്​ നിസാര പരിക്കാണ്​.

കൂടുതല്‍ ഗള്‍ഫ്‌ വാര്‍ത്തകള്‍ ടെലഗ്രാമില്‍ ലഭിക്കുവാന്‍ ക്ലിക്ക് ചെയ്യുക

റിയാദിൽ ജോലി ചെയ്യുന്ന ഷമീം മുസ്​തഫയും അമീനും ഇരുവരുടെയും കുടുംബങ്ങളും മക്കയിൽ ഉംറയ്​ക്ക്​ പോയ ശേഷം മടങ്ങുകയായിരുന്നു.

റിയാദ്​-ജിദ്ദ ഹൈവേയിൽ റിയാദിൽ നിന്ന്​ 300 കിലോമീറ്ററകലെ ഹുമയാത്ത്​ പൊലീസ്​ പരിധിയിൽ തിങ്കളാഴ്​ച പുലർച്ചെ രണ്ടിനാണ്​ ഇവർ സഞ്ചരിച്ച കാർ മറിഞ്ഞ്​ അപകടമുണ്ടായത്​.

പരിക്കേറ്റ അഷ്​മില, ഷാനിബ എന്നിവരെ അൽഖുവയ്യ ജനറൽ ആശുപത്രിയിൽ പ്രവേശിപ്പിച്ചു. ഇവരെ റിയാദിലെ ആശുപത്രിയിലേക്ക്​ മാറ്റാനുള്ള ശ്രമം നടക്കുന്നു. മൃതദേഹങ്ങൾ ഹുമയാത്തിന്​ സമീപം അൽഖസ്​റ ആശുപത്രിയിൽ മോർച്ചറിയിലാണ്​. നിസാര പരിക്കേറ്റ അയാൻ, സാറ എന്നീ കുട്ടികൾ അൽഖസ്​റ ആശുപത്രിയിൽ ചികിത്സയിലാണ്​.

ചുവടെ കൊടുക്കുന്ന അഭിപ്രായങ്ങള്‍ ജിസിസിയുടെതല്ല . സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്....ജിസിസി ടീം

Leave a Reply

Your email address will not be published. Required fields are marked *