ഒമാന്‍ ആരോഗ്യമന്ത്രി ഇന്ത്യന്‍ സ്ഥാനപതിയുമായി കൂടിക്കാഴ്ച നടത്തി

മസ്‌കറ്റ് :  ഒമാന്‍ ആരോഗ്യമന്ത്രി അഹമ്മദ് മുഹമ്മദ് അല്‍ സൈദി ഇന്ത്യന്‍ സ്ഥാനപതി മുനു മഹാവീറുമായി കൂടിക്കാഴ്ച നടത്തി.

ഒമാന്‍ ആരോഗ്യമന്ത്രി തന്റെ ഓഫീസില്‍ ഇന്ത്യന്‍ സ്ഥാനപതിയെ സ്വീകരിച്ചതായി മന്ത്രാലയം പുറത്തിറക്കിയ  ഓണ്‍ലൈന്‍ പ്രസ്താവനയില്‍ അറിയിച്ചു.

കൂടിക്കാഴ്ചയില്‍ രണ്ട് സൗഹൃദ് രാജ്യങ്ങളും തമ്മിലുള്ള ഉഭയകക്ഷി ബന്ധവും ആരോഗ്യ രംഗത്തെ സഹകരണവും അവലോകനം ചെയ്തു. ലോകമെമ്പാടുമുള്ള കൊവിഡ് വ്യാപനത്തെക്കുറിച്ചും പകര്‍ച്ചവ്യാധിയെ നേരിടാന്‍ നടത്തിയ അന്താരാഷ്ട്ര ശ്രമങ്ങളും ഇരുവരും ചര്‍ച്ച ചെയ്തു.

കൊവിഡ് -19ന്റെ വ്യാപനം പ്രതിരോധിക്കുന്നതിന് ഒമാന്‍  നടപ്പിലാക്കിയിരിക്കുന്ന നടപടികളെ ഇന്ത്യന്‍ സ്ഥാനപതി  അഭിനന്ദിച്ചുവെന്ന്   ആരോഗ്യ മന്ത്രാലയം പുറത്തിറക്കിയ പ്രസ്താവനയില്‍ പറയുന്നു. ഒമാന്‍ ആരോഗ്യ മന്ത്രാലയത്തിന്റെ ഉയര്‍ന്ന ഉദ്യോഗസ്ഥരും കൂടിക്കാഴ്ചയില്‍ പങ്കെടുത്തു.

ചുവടെ കൊടുക്കുന്ന അഭിപ്രായങ്ങള്‍ ജിസിസിയുടെതല്ല . സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്....ജിസിസി ടീം

Leave a Reply

Your email address will not be published. Required fields are marked *