---
title: "കുവൈത്ത് -സൗദി അതിര്‍ത്തിയില്‍ പുതിയ എണ്ണ ശേഖരം കണ്ടെത്തി"
english_title: "New oil reserves discovered Kuwait Saudi border"
publisher: "gccnews.in"
canonical_url: "https://gcc.truevisionnews.com/news/292556/new-oil-reserves-discovered-kuwait-saudi-border"
published_at: "2025-05-27T16:42:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68359e61e99ab_oil.jpg"
keywords: []
---

# കുവൈത്ത് -സൗദി അതിര്‍ത്തിയില്‍ പുതിയ എണ്ണ ശേഖരം കണ്ടെത്തി

> **Lead Summary:** **കുവൈത്ത് സിറ്റി: ** കുവൈത്ത് -സൗദി അതിര്‍ത്തിയില്‍ പുതിയ എണ്ണ ശേഖരം കണ്ടെത്തി. ഇരു രാജ്യങ്ങളുടെയും സംയുക്ത അതിർത്തിയായ വഫ്ര ഫീൽഡിന് അഞ്ച് കിലോമീറ്റർ വടക്കായി സ്ഥിതി ചെയ്യുന്ന നോർത്ത് വഫ്ര (വാറ-ബർഗാൻ) ഫീൽഡിലാണ് പുതിയ എണ്ണ ശേഖരം കണ്ടെത്തിയത്.

## Article Content

**കുവൈത്ത് സിറ്റി: ** കുവൈത്ത് -സൗദി അതിര്‍ത്തിയില്‍ പുതിയ എണ്ണ ശേഖരം കണ്ടെത്തി. ഇരു രാജ്യങ്ങളുടെയും സംയുക്ത അതിർത്തിയായ വഫ്ര ഫീൽഡിന് അഞ്ച് കിലോമീറ്റർ വടക്കായി സ്ഥിതി ചെയ്യുന്ന നോർത്ത് വഫ്ര (വാറ-ബർഗാൻ) ഫീൽഡിലാണ് പുതിയ എണ്ണ ശേഖരം കണ്ടെത്തിയത്.

നോർത്ത് വഫ്ര കിണറിലെ വാറ ബർ​ഗാൻ-1 റിസർവോയറിൽ നിന്നുള്ള എണ്ണയുടെ ഒഴുക്ക് പ്രതിദിനം 500 ബാരലിലധികം വരുമെന്നും 26-27 എപിഐ എന്ന പ്രത്യേക സാന്ദ്രതയിലാണെന്നും എണ്ണ മന്ത്രാലയം അറിയിച്ചു. 2020 പകുതിയോടെ വിഭജിക്കപ്പെട്ട മേഖലയിലും വിഭജിക്കപ്പെട്ട മേഖലയോട് ചേർന്നുള്ള കടൽത്തീരത്തും ഉത്പാദന പ്രവർത്തനങ്ങൾ പുനരാരംഭിച്ചതിന് ശേഷമുള്ള ആദ്യ കണ്ടെത്തലാണിതെന്നും പ്രസ്താവനയിൽ പറയുന്നു.

ഈ കണ്ടെത്തലിന്‍റെ വലിയ പ്രാധാന്യവും മന്ത്രാലയം ചൂണ്ടിക്കാട്ടി. ഇത് ഇരു രാജ്യങ്ങളുടെയും നിലനിൽപ്പിനും, ലോകത്തിന് ഊർജ്ജം നൽകുന്നതിനുള്ള അവരുടെ വിശ്വാസ്യതയ്ക്കും, പര്യവേക്ഷണം, ഉത്പാദനം എന്നീ മേഖലകളിലെ അവരുടെ കഴിവുകൾക്കും നല്ല സ്വാധീനം ചെലുത്തുമെന്നും മന്ത്രാലയം വ്യക്തമാക്കി.

### Related Links & Sources
- [Original Story Source](https://gcc.truevisionnews.com/news/292556/new-oil-reserves-discovered-kuwait-saudi-border)