---
title: "മൃഗസ്നേഹ-പരിപാലനത്തില്‍ പുതിയ കാല് വെപ്പുമായി വീണ്ടും അബൂദബി"
english_title: "Abu Dhabi is back with a new lease of life in animal care"
publisher: "gccnews.in"
canonical_url: "https://gcc.truevisionnews.com/news/6919/abu-dhabi-is-back-with-a-new-lease-of-life-in-animal-care"
published_at: "2021-10-24T11:19:00+05:30"
category: "Art & Culture"
language: "ml"
image: "https://cf.zdn.im/img/truevisionnews.com/0/image-uploads/6174f404af352_cat.jpg"
keywords: []
---

# മൃഗസ്നേഹ-പരിപാലനത്തില്‍ പുതിയ കാല് വെപ്പുമായി വീണ്ടും അബൂദബി

> **Lead Summary:** **അബൂദബി: **പ്രസിദ്ധമാണ് അബൂദബിയുടെ മൃഗസ്നേഹം. യു.എ.ഇയുടെ ദേശീയ മൃഗമായ ഫാല്ക്കണുകള്ക്കായി അത്യാധുനിക സംവിധാനമുള്ള ആശുപത്രി, വളര്ത്തുമൃഗ സൗഹൃദ ഹോട്ടലുകള് അങ്ങനെ നിരവധി കാര്യങ്ങളാണ് മൃഗങ്ങള്ക്കുവേണ്ടി മാത്രമായി അബൂദബിയിലുള്ളത്.

## Article Content

**അബൂദബി: **പ്രസിദ്ധമാണ് അബൂദബിയുടെ മൃഗസ്നേഹം. യു.എ.ഇയുടെ ദേശീയ മൃഗമായ ഫാല്ക്കണുകള്ക്കായി അത്യാധുനിക സംവിധാനമുള്ള ആശുപത്രി, വളര്ത്തുമൃഗ സൗഹൃദ ഹോട്ടലുകള് അങ്ങനെ നിരവധി കാര്യങ്ങളാണ് മൃഗങ്ങള്ക്കുവേണ്ടി മാത്രമായി അബൂദബിയിലുള്ളത്.

പുതിയൊരു മൃഗസ്നേഹ-പരിപാലന കാല് വെപ്പാണ്‌ ഇത്തവണ പ്രഖ്യാപിച്ചിരിക്കുന്നത്​. തെരുവുപൂച്ചകള്ക്ക് ഭക്ഷണം കഴിക്കാനുള്ള കേന്ദ്രങ്ങളാണ്​ ഒരുക്കിയിരിക്കുന്നത്​. റിയല് എസ്റ്റേറ്റ് മാനേജ്‌മന്റ്‌​ സ്ഥാപനമായ പ്രോവിസാണ് പദ്ധതിക്കു പിന്നില്. തെരുവുപൂച്ചകള്ക്ക് ഭക്ഷണം നല്കുന്നതിന്​ ചെറുകൂടുകളാണ് ഇവര് സ്ഥാപിച്ചത്.

അല്റീം ദ്വീപിലെ കേറ്റ്, ആര്ക് ടവറുകളിലാണ് പ്രോവിസ് പൈലറ്റ് പദ്ധതിക്കു തുടക്കം കുറിച്ചത്. തെരുവുപൂച്ചകള്ക്ക് ഭക്ഷണം ഒരുക്കി വെക്കാന് ഒരിടം ലഭിച്ചതോടെ പൂച്ച സ്നേഹികളും ആഹ്ലാദത്തിലാണ്​. തെരുവുപൂച്ചകളെ അണുവിമുക്തമാക്കുകയും വാക്സിനേഷനു വിധേയമാക്കുകയും ചെയ്​തിരുന്നുവെന്നും തീറ്റ കൊടുക്കാന് ഒരിടമില്ലാത്തത് തന്നെ അലട്ടിയിരുന്നതായും യാസ് ദ്വീപ് നിവാസിയായ മയദ ഊദ എന്ന യുവതി പറയുന്നു.

തെരുവുപൂച്ചകള്ക്ക് മികച്ച ഭക്ഷണരീതി ശീലിപ്പിക്കുന്നതിലൂടെ താമസക്കാരുടെ സുരക്ഷയും ഉറപ്പാക്കാന് ഈ പദ്ധതിയിലൂടെ കഴിയുമെന്ന് പ്രോവിസ് എക്സി. ഡയറക്​ടര് ഡാണ അവാദ് പറയുന്നു. ഭാവിയിൽ കൂടുതല് സ്ഥലങ്ങളില് ഇത്തരം കേന്ദ്രങ്ങള് സ്ഥാപിക്കുമെന്നും ഡാണ അവാദ് കൂട്ടിച്ചേര്ത്തു.

### Related Links & Sources
- [Original Story Source](https://gcc.truevisionnews.com/news/6919/abu-dhabi-is-back-with-a-new-lease-of-life-in-animal-care)